समायोजन खबर काठमाडौं,
धादिङको रोराङ गाउँपालिका–५ मा भारतीय नम्बरको ग्यास बुलेटले ठक्कर दिंदा दुईजना पैदल यात्रीको ज्यान गएको छ । यूपी ७५ एजे ५२०८ नम्बरको ग्यास बुलेटको ठक्करबाट सोही गाउँपालिका–५ कि ३५ वर्षीया गीता नेपाली र २१ वर्षीया सुनिता नेपालीको ज्यान गएको प्रहरीले जनाएको छ ।

ग्यास बुलेटले अनियन्त्रित भइ उनीहरुलाई ठक्कर दिएको थियो । गम्भीर घाइते भएका दुवैजनाको गजुरी स्वास्थ्य चौकीमा उपचारको क्रममा ज्यान गएको प्रहरीले बताएको छ । ग्यास बुलेटको चालक भारतीय नागरिक भोला कुमारलाई धादिङ प्रहरीले नियन्त्रणमा लिएको छ ।
२०७५ कार्तिक २५ गते अपरान्ह ४  :१९ मा प्रकाशित