समायोजन खबर खोटाङ,
आज देश तथा बिदेशमा रहेका आम नेपालीले भाइटिका मनाउदै छन् । नेपाल पञ्चाङ्ग निर्णायक समितिले यस वर्षको भाइटीकाको साइत शुक्रबार (आज) बिहान ११ बजेर ५५ मिनेटमा उत्तम भएको जनाएको छ ।

भाइटिकाको दिन दिदीले भाइलाई र बहिनीले दाजुलाई अनि त्यसैगरी भाइले दिदीलाई र दाजुले बहिनीलाई विशेष मानसम्मानका साथ विधिपूर्वक पूजाआजा गर्ने, मेवा/मिष्ठान आदि मनपर्ने कुरा ख्वाउने, दिदी बहिनीहरूलाई दान/दक्षिणा एवं वस्त्र आदि दिने परम्परा छ । दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई सप्तरङ्गी टीका लगाउने चलन छ ।
२०७५ कार्तिक २३ गते बिहान ७ : २५ मा प्रकाशित