चिसाङ शेर्पा खोटाङ,
प्रगतीशिल युवा समाज नुनथलाले आयोजना गरेको साबिक वडा स्तरीय खुल्ला पुरुष भलिबल प्रतियोगितामा आयोजक टिम धौलाङ पहिलो भएको छ । तिहारको अवसर पारेर दिक्तेल रुपाकोट मझुवागढी नगरपालिका–१३ नुनथलास्थित जालपा माविको प्राङ्गणमा भएको प्रतियोगितामा साबिक वडा १ महुरेलाई पराजित गरेर धौलाङ पहिलो बनेकोे हो ।

प्रतियोगितामा साबिक वडा ४ पुइलुङ तेश्रो भएको कार्यक्रम संयोजक चन्द्र कुमार राईले जानकारी दिए । प्रतियोगिताको प्रथमले बीस हजार १ सय १ दोश्रोले बाह्र हजार १ सय १ तथा तेश्रोले ८ हजार १ सय १ नगद पुरस्कारका साथमा प्रमाणपत्र प्राप्त गरेका छन् ।

भलिबलसँगै समाजले खुल्ला नृत्य प्रतियोगिता पनि गरेको थियो । गत कार्तिक १७ गतेबाट भलिबल सुरु गरी समापनका दिन मंगलबार खुल्ला नृत्य प्रतियोगिता गरेका हुन् । नृत्यमा वेदना सहयोगी समाज नुनथला महुरे प्रथम, नव एकता संर्घष वालसेवा समाज बुईपा ५ गैरीगाउँ दोश्रो, पालुवा युवा साँस्कृतिक परिवार सुम्निामा खार्पा रुभुङ तेश्रो र प्रेरणा वालमञ्च नुनथला पुईलुङ सान्त्वना भएको थियो । नृत्य प्रतियोगिताका प्रथमले सात हजार, दोश्रोले पाँच हजार, तेश्रोले तीन हजार र सान्त्वनाले एक हजार पाँच सय नगद पुरस्कार पाएका छन् ।
२०७५ कार्तिक २० राती ८  : ०५ मा प्रकाशित