चिसाङ शेर्पा खोटाङ,
ऐसेलुखर्क गाउँपालिका–५ महेश्वरीमा गाउँपालिका भरीका १९ वटा उपभोक्ता समितिलाई एकदिने अभिमुखीकरण तालिम दिएको छ । योजना सञ्चालन गर्दा आर्थिक कारोवार कसरी गर्ने, योजना सम्झौता गर्दाका काम/कर्तव्य र अधिकार के के हुन, योजना फरफारक गर्दा चाहिने आवाश्यक कागजात के कस्ता हुन लगायतका विषयमा तालिम दिइएको हो ।

गाउँपालिकाको आर्थिक सहयोगमा आइबतार भएको तालिमलाई प्रमुख प्रशासकीय अधिकृत जिबन निरौला, योजना शाखा प्रमुख युवराज फुयल, लेखा शाखा प्रमुख गणेश बहादुर खड्का, ईन्जिनियर किसन अधिकारीले सहजीकरण गर्नुभएको थियो । तालिम गाउँपालिका अध्यक्ष विश्वनाथ निरौलाको अध्यक्षतामा भएको थियो । १९ वटा उपभोक्ता समितिलाई गाउँपालिकाले ७९ लाख बजेटको योजना वितरण गरेको छ ।
२०७५ कार्तिक १७ गते साँझ ७ : ३४ मा प्रकाशित