चिसाङ शेर्पा खोटाङ,
खोटाङका लोक गायक हर्क गदालको दुई गीतको म्युजिक भिडियो सार्वजनिक भएको छ । लोक जागरण गीत र लोकपप विधाको गीत सार्वजनिक भएको हो । शब्द, संगीत, आवाज आफैले दिएको दुई गीतलाई माउण्ट एभरेष्ट बोर्डिङ स्कुलमा आईतबार बिहान कार्यक्रमका प्रमुख अतिथि सोही स्कुलका प्रअ सागर जोशी र कार्यक्रमका विशेष अतिथि नेपाल सितोरियो कराते संघ खोटाङका अध्यक्ष सन्जय कुमार राईले एकसाथ ब्यानर खोलेर सार्वजनिक गरेका हुन् ।

नगर दलित समितिको विशेष सहयोगमा धेरै दुःख पाईयो र विभिन्न खोटाङगेहरुको सहयोगमा बाटोमा हिड्यो ठीटीहरुले बोलको गीतमा गायक गदालकै अभिनय रहेको छ । गदालको अलावा सौगात श्रेष्ठ, आयुष्मा राई, सन्जव राई लागयतका खोटाङगेहरुले अभिनय गरेका छन् । छायांकनमा सम्पुर्ण सामग्री तथा जिल्लाकै कलाकारहरुको सहयोगमा दिक्तेलबजार, रुपाकोट, मुढेको भुल्के, बाम्राङ र अल्छेढुंगामा गीतको छायांकन गरिएको छ । म्युजिक भिडियोलाई सन्जिव राईले निर्देशन गरेका हुन् ।
क्याप्सन  :म्युजिक भिडियोको  ब्यानर खोलेर सार्वजनिक गर्नुहुदै अतिथिहरु, तस्विर चिसाङ शेर्पा, २०७५ असोज २८ मध्यान्ह १२  : २२ मा प्रकाशित