काठमाडौं। संघीय समाजबादी फोरम नेपालका सांसद उपेन्द्र यादवले आफ्नो पार्टी विखण्डनको पक्षमा नरहेको बताउनुभएकेा छ ।

यादवले पृथकतावादी अभियन्ता सीके राउतविरुद्ध एक्सन लिदै  तराई केन्द्रीत अर्काे दल राजपाले सीके राउतका गतिविधिलाई मौन समर्थन गरिरहेका बेला फोरमले भने सीके राउतविरुद्ध संसदमै धावा समेत बोल्नुभएकेा  थियेा ।

बिहीवारको प्रतिनिधिसभा बैठकमा फोरमका उपमहासचिव एवं सांसद रामसहाय यादवले पृथकतावादी गतिविधिलाई फोरमले कुनै हालतमा नस्वीकार्ने स्पष्ट पारे। केही समयअघि राजपाका अध्यक्ष मण्डलका संयोजक महन्थ ठाकुरले त सीके राउतसँग सहकार्य गर्न खोजेको तर केही विषयमा कुरा नमिलेको खुलासा गरेका थिए। यस्तो बेला फोरमले राजपालाई काउन्टर दिँदै संसदमै सीके राउतको भण्डाफोर गरेको हो।

 यसैगरी संविधान संशोधनको विषय ओझेलमा परेको भन्दै यादवले भने, ‘यो अधिवेशनमा संविधान संशोधन हुन सकेन। अबको अधिवेशनबाट संविधान संशोधन हुन्छ भनेर आशा गरेको छु।’ सङ्घीयता मधेश आन्दोलनको उपज भएकोले यसलाई कसैले पनि समाप्त पार्न नसक्ने यादवले ठोकुवा गरे।