समायोजन खबर खोटाङ,
अलैंची भट्टीमा अलैंची सुकाउनेक्रममा सल्किएको आगोले खोटाङको खोटेहाङ गाउँपालिका–६ इन्द्रेणीपोखरी हिलेखर्कका रत्नबहादुर खत्रीको घर जलेको छ । घर नजिकैको कटेरामा रहेको अलैंची भट्टीबाट सुरु भएको आगोले खत्रीको घर जलेको हो ।

मानवीय क्षती नभए पनि खत्री परिवारको नगद २५ हजार, अन्नपात, लत्ताकपडा लगायतका सामान जल्दा ४ लाख बराबरको धनमालमा क्षती भएको वडाध्यक्ष देबिन्द्र राईले बताए । सोमबार भएको आगलागीमा घर जलेपछि खत्रीका ५ जनाको परिवारको बिचल्नी भएको छ ।
२०७५ असोज १० साँझ ६ : २३ मा प्रकाशित