चिसाङ शेर्पा खोटाङ,
खोटाङमा मारवलले किच्दा एक पुरुष गम्भीर घाईते भएका छन् । आफ्नो घरमा लगाउनका लागि ट्रकबाट आएको मारवल अनलोड गर्ने क्रममा एक्कासी किच्दा दिक्तेल रुपाकोट मझुवागढी नगरपालिका–१ दिक्तेलका स्थानिय रुद्रकुमार श्रेष्ठ घाईते भएका हुन् ।

जिल्ला अस्पताल चोक नजिक निर्माण भएको आरसिसी घरका लागि आएको करीव एक सय २० टनको मारवलले कम्मरमुनीको भाग किचेको उनका छोरी कृष्टिना श्रेष्ठले जानकारी दिईन् । घाईते भएका उनलाई आजै हेलिकोप्टर चार्टड गरी उपचार गर्न काठमाण्डौ लगिएको छ ।

बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास बिम्स्टेकको चौंथो शिखर सम्मेलनका क्रममा भिभिआईपी आउने क्रममा विमानस्थल स्रोतले हवाई यातायात सेवा समेत बन्द गरिदिंदा दिक्तेलमा हेलिकोप्टर आउनु र काठमाण्डौमा अवतरण गराउनसमेत ढिलाई भएको परिवारले जनाएको छ ।
२०७५ भदौ १३ गते साँझ ७ :३७ मा प्रकाशित