समायोजन खबर खोटाङ,
काठमाडौं उपत्यकासहित पूर्वी नेपालमा आज दिनभर वर्षा हुने जल तथा मौसम पूर्वानुमान महाशाखाले जनाएको छ । मध्य मनसुन चलिरहेको बेला आज काठमाडौं उपत्यका सहित मध्य तथा पूर्वी क्षेत्रमा दिनभर सामान्यदेखि मध्यम खालको वर्षा हुने मौसमविद् समिर श्रेष्ठले जानकारी दिनुभयो । तुलनात्मक रुपमा पश्चिम नेपालमा भने पानी कम पर्ने उहाँले जानकारी दिनुभयो । पानी नपरे पनि आकाशमा बादल भने लागिरहने उहाँले बताउनुभयो ।

यसैबीच, आज, भोली र पर्सी प्रमूख नदीहरूमा बाढीको ठूलो जोखिम नरहेको बाढि पूर्वानुमान शाखाले जनाएको छ । आज दिउँसो १२ बजेसम्म गोरखा, लमजुङ, तनहूँ, नवलपरासी, धादिङ, नुवाकोट लगायत जिल्लाभएर बहने केही साना नदीहरूमा एक्कासी बाढी आउन सक्ने संभावना भने रहेको शाखाले जानकारी दिएको छ ।
२०७५ भदौ १२ गते बिहान ९ :०० मा प्रकाशित