चिसाङ शेर्पा खोटाङ,
बिगत १३ दिनदेखि खोटाङमा दुइ वालिका हराईरहेका छन् । खोटेहाङ गाउँपालिका–८ सिमपानीस्थित कात्तिकेकी १३ वर्षीय अनिता श्रेष्ठ र सोहि ठाउँकी १५ वर्षीय सपना तामाङ हराईरहेकी हुन ।  गएको असार ३२ गते सोमबार खाना खाएर सुतेका दुइ वालिका उज्यालो हुँदा घरमा नभएको र अहिलेसम्म पनि सम्पर्कमा नआएको परिवारका एक सदस्य जानकारी दिए ।

कक्षा तीनमा अध्ययनरत अनिता र कक्षा पाँचमा अध्ययनरत सपना वेपत्ता भएसंगै हालसम्म खोजीकार्य गरेको भएपनि कतै फेला पार्न नसकिएको सपनाकी दिदि सविना तामाङले जानकारी दिईन् । “आफन्त, नरनाता सवै ठाउँमा खोजि गरिसक्यौं, कतै फेला परेनन्, कहाँ गए भन्नेनै यत्तिका समय वितिसक्दा पनि पक्ता लगाउँन सकिएन ।” सविनाले भन्नुभयो ।

अनिता र सपना हराएदेखी नै सवैतिर खोजी गर्ने कार्य भईरहेको भएपनि हालसम्म उनिहरु सम्पर्कमा नआउँदा परिवारमा रुवावासी भएको छ । वालिकाको खोजी कार्यका लागि उदयपूर जिल्लाको गाईघाट प्रहरीलाई जानकारी गराई सकिएको र जिल्ला प्रहरी कार्यालय खोटाङमा तत्काल जानकारी गराईने सविनाले जानकारी दिनुभयो ।
२०७५ साउन १२ गते बिहान १० : ५० बजे प्रकाशित