सोलुखुम्बु । सोलुखुम्बुको नेचासल्यानमा बोलेरो दुर्घटना हुँदा ७ जनाको मृत्यु भएको छ । आज बिहान नेचासल्यानबाट काठमाण्डौं जादै गरेको को १ ज १८६० नम्बरको बोलेरो दुर्घटना हुँदा ६ जनाको घटनास्थलमै र १ जनाको उपचारको क्रममा मृत्यु भएको हो ।

मृत्यु हुनेमा उदयपुर जिल्ला शिरिसेका २१ वर्षिय कुसाङ तामाङ, सिराहका ३६ वर्षिय शिवकुमार यादव, खोटाङ खाल्लेका २४ वर्षिया कोपिला बस्नेत कार्की, सोलुखुम्बु नेचासल्यान २ का ३५ वर्षिया उर्मिला वास्तोला र सोही वडाकी २५ वर्षिया शुसिला खड्काको घटना स्थलमै मृत्यु भएको अधिकारीले बताए ।
दुर्घटनामा घम्भिर घाईते भएका नेचासल्यान २ का अन्दाजी ७ वर्षिया बालिका सुस्मा खड्काको पनि मृत्यु भएको छ । उपचारको क्रममा अस्पताल लैजानदै गर्दा उनको पनि मृत्यु भएको निरिक्षक अधिकारीले बताए ।
चालक सहित ७ जना सवार रहेको बोलेरो विहान ७ बजे दुर्घटना भएको प्रहरी नीरिक्षक प्रधुम्न अधिकारीले बताए ।
सोलुदुधकुण्ड नगरपालिकाको वडा ११ तिङ्ला र सल्यानको सिमानामा पर्ने गुप्तेश्वर महादेवको मन्दिर नजिकबाट बोलेरो करिब १ हजार मिटर तल खसेको नीरिक्षक अधिकारीले बताए ।

तस्वीर,समाचार / पत्रकार बुद्दवीर  राइकाे सहयाेगमा