सरिता राई जेठ/३० भोजपुर,
भोजपुरको स्थानिय तहले विपत व्यवस्थापन समिती तत्काल गठन गर्नुपर्ने भएको छ । यस वर्षको मनसुन सुरु भएको भन्दै जिल्ला विपत व्यवस्थापन समितीको निर्णयले दुई नगरपालिका सहित ७ गाउँपालिका रहेको भोजपुरका स्थानिय तहलाई तत्काल स्थानिय विपत व्यवस्थापन समिती गठन गर्न भनिएको हो ।

विपत पुर्वतयारी तथा प्रतिकार्य योजनाको सम्बन्धमा जिल्ला प्रसासन कार्यलयमा बसेको सर्वदलिय सर्वपक्षिय बैठकले विपत व्यवस्थापनका लागी आवश्यकीय सामाग्री खरिद गरी स्टक राख्नुपर्ने निर्णय गरेको छ । त्यस्तै मनसुन आपतकालिन योजनाको लागी सम्बन्धीत संघ संस्था सरोकारवालासँग उपलब्ध सामाग्रीको विवरण समेत जिल्ला विपत व्यवस्थापन समितीलाई बुझाएको छ ।

विपत जोखिम न्युनिकरण तथा व्यवस्थापन एैन २०७४ को दफा १७ बमोजिम स्थानिय विपत व्यवस्थापन समिती गठन गर्न स्थानिय निकायलाई परिपत्र भएको भएपनि हालसम्म गठन नभएको पाइएको हो ।

२०७५ जेठ ३० दिउँसो २ : १५ बजे प्रकाशित