चिसाङ शेर्पा जेठ/१६ खोटाङ,
सिंहदरबारका सेवासुविधा गाउँगाउँमा आए भनिए पनि गाउँपालिकाको कार्यालय भन्दा सदरमुकाम जान नजिक रहेको सेवाग्राहीले दुखेसो गरेका छन् । खोटाङको रावाबेंशी गाउँपालिका–३ लामिडाडाँका अधिकांश स्थानियलाइ भौगोलिक रुपमा पालिका केन्द्र जानुको सट्टामा सदरमुकाम पुग्न छिटो र सहज हुने गरेका छ ।

राजनीतिक प्रतिशोध, शक्ति प्रर्दशन र आडम्बरले हालको गाउँपालिका–१ कुभिण्डे फेदीस्थित हरमटारमा पालिका केन्द्र लैजादा स्थानिय सरकार आउदा खुशी भएका लामिडाडाँका प्रायः सवै जनतालाई स्थानिय सरकारले शास्तीमाथी शास्ती थपिदिएको छ ।

६ वडा रहेको पालिकाको लामिडाडाँको वडा कार्यालयबाट मात्र हाल अस्थायी रुपमा रहेको पालिका केन्द्र पुग्न डेढ घण्टा समय लाग्छ । यद्यपी, पालिकाको कार्यालय अस्थायी ठाउँबाट अझै २ घण्टा तल सर्दैछ । तिर्पाबाट वडा कार्यालय पुग्न २ घण्टा लाग्ने वडाध्यक्ष विदुर कुमार खतिवडाले बताउनुभयो । हलेसी तुवाचुङ नगरपालिका–९ सल्ले सिमानासँग जोडिएको लामिडाडाँको हात्तीटारदेखी हाल खार्पामा रहेको पालिका कार्यालय पुग्न साँढे ४ घण्टा समय लाग्छ । उहाँले भन्नुभयो, “पछि हरमटार सरेपछि साँढे ६ घण्टा बढी समय लाग्छ, स्थानियहरु पालिका केन्द्र जान भन्दा सदरमुकाम जान दुखेसो गर्छन् ।”

सल्लेको वारी लामिडाडाँको हात्तीटारमा मात्रै २५ बढी घर रहेको छ । उनीहरुलाई पालिकाको कार्यालय जान भन्दा सदरमुकाम पुग्न छिटो र सहज छ । पालिकाको कार्यालय टाढा हुंदा बिशेषगरी बृद्धबृद्धालाई सबैभन्दा बढी समस्या भएको स्थानियको दुखेसो छ । ५ सय ६४ घरधुरी र करीव ३ हजार बढी जनसंख्या भएको लामिडाडाँ बासीले पालिकाको कार्यालय अनुपर्युक्त स्थानमा भएको बताउँदै आएका छन् ।
                                                                 २०७५ जेठ १६ गते साँझ ६ :३० बजे प्रकाशित