सरिता राई चैत्र/ १६ भोजपुर,

जिल्लालाई आगामी वैशाख २७ गतेभित्र खुल्ला दिशामुक्त जिल्ला घोषणा गरिने भएको छ । खानेपानी तथा सरसफाई स्वच्छता समन्वय समितीको बिहिबार बसेको बैठकले यस्तो निर्णय गरेको हो ।  यसअघि भोजपुर नगरपालिका वडा नं. ७ का २ सय ७ घरले सेफ्टी ट्याङ्की सहितको शौचालय बनाउन नसकेका कारण जिल्ला खुल्ला दिसामुक्त हुन सकेको थिएन ।

बैठकले प्रदेश नम्बर–१ का मुख्यमन्त्री शेरधन राईको विशेष उपस्थितीमा एक औपचारीक कार्यक्रमका बिच जिल्लालाई खुल्ला दिशामुक्त जिल्ला घोषणा गर्ने निर्णय पारित गरेको छ । यसैबिच खानेपानी तथा सरसफाई सब डिभिजन कार्यलय र अरुण गाउँपालिकाको संयुक्त लगानीमा प्याउली बजारमा सार्वजनिक शौचालय समेत निमार्ण गर्ने भएको छ ।