समायोजन खबर चैत १२, काठमाडौं,

बंगाली सहकर्मीको हत्या अभियोगमा सजाय सुनाइएका लाग्दी गदियानी–९, सिराहाका सुरेश मण्डललाई साउदी अरबको अदालतले सजायमुक्त गरको छ । ९ वर्षअघि सडकमा माटो सम्याउने क्रममा मण्डलले चलाएको गाडीले ठक्कर दिएपछि बंगाली सहकर्मी रफिकुल इस्लामको ज्यान गएको थियो । साउदी अदालतले तोकेको ब्लडमनी नलिईकनै पीडित परिवारले माफी दिने भएपछि सुरेश गत बुधबार सजायमुक्त भएका हुन् ।

आफुलाई साउदी अदालतले सजाय तोकेपछि सुरेशले पिडित परिवारसँग सहयोग मागेपछि इस्लामको परिवारले ब्लडमनी नलिने निर्णय गरेको थियो । फलस्वरूप सुरेशले साउदीलाई ब्लडमनी तिर्नु परेन र सजाय माफी भयो । सुरेशलाई सजाह मुक्त बनाउन नेपाली दूतावास समेत मण्डलका पक्षमा अदालतमा लड्दै आएको थियो ।

दुर्घटना भएपछि मण्डललाई जुवेलस्थित जेलमा ७ वर्ष ६ महिना राखिएको थियो ।जेलबाट छुटेपछी मण्डल अहिले लेबर काम गर्दैछन् । कम्पनीसँग उनले ७ वर्षको तलब दिनुपर्छ भनेर माग गरेका छन् । कम्पनीले पनि उनको तलब दिने प्रतिबद्धता व्यक्त गरेको छ । कान्तिपुर दैनिक