चिसाङ शेर्पा फागुन/३ खोटाङ,
खोटाङको नुनथलामा बैदेशिक रोजगारलाई सुरक्षित र मर्यादित बनाउने उद्देश्यले हाजिरी जवाफ प्रतियोगिता गरिएको छ । बालसेवा समाज नेर्पा र सामी परियोजनाको आयोजनामा रुपाकोट मझुवागढी नगरपालिका–१३ नुनथलास्थित जालपा माविमा बिहीबार हाजिरी जवाफ प्रतियोगिता गरिएको हो ।

मावि स्तरिय हाजिरी जवाफ प्रतियोगितामा शन्देस चाम्लिङको समुह प्रथम, साईमन तामाङको समुह दोश्रो र कोसी राईको समुह तेश्रो भएको छ । विजेता टिमले डिस्नेरी र स्टेसनरी सामग्री पुरस्कार पाएका छन् ।

जालपा माविका प्रधानाध्यापक भवनाथ घिमिरेको सभापतित्वमा भएको कार्यक्रममा बालसेवा समाज नेर्पा र सामी परियोजनाका रमिला राई र अन्जु राईले बिधालयलाई मायाको चिनोसमेत हस्तान्तरण गरेको शिक्षक मणिकुमार राईले जानकारी दिनुभयो । हाजिरीजवाफ प्रतियोगितामा ६ टिमको सहभागिता रहेको थियो ।

यस्तै, रुपाकोट मझुवागढी नगरपालिका मेयर दिपनारायण रिजाल, उपमेयर बिनादेबी राईले बिहीबार नुनथलामा खनिएका ग्रामिण सडकको अनुगमन गरेका छन् । साविकका ९ वडामा पुगेको ग्रामिण सडकको अनुगमन गरेका हुन् ।