चिसाङ शेर्पा माघ/६ खोटाङ,

जिल्लामा रहेका आठ गाउँपालिका उपप्रमुखहरु साक्षरतादेखी एमफिल गर्नेसम्म पाईएको छ । खोटेहाङ गाउँपालिका उपप्रमुख ४० वर्षिय कविता राई एमफिल (मास्टर्ड इन फिलोसफी) पिएचडीको तयारी गरीरहेकी छन् । केपिलासगढी गाउँपालिका उपप्रमुख ३८ वर्षिय हिरा कुमारी वन गिरीले एसएलसी उतिर्ण गरेकी हुन् ।

बराहपोखरी गाउँपालिका उपप्रमुख ३५ वर्षिय गोमा मगरको पढाई सबैभन्दा कम रहेको छ । उहाँले कक्षा ५ उतिर्ण गरेका हुन् । ऐसेलुखर्क गाउँपालिका उपप्रमुख ४२ वर्षिय पुष्पकला भुजेल मास्टर्ड डिग्री र दिप्रुङ गाउँपालिका उपप्रमुख तथा नेपालको सबैभन्दा कान्छी महिला नेतृ २४ वर्षिय सपना राई ब्याचलरमा अध्ययनरत विधार्थी हुन् ।

लामिडाडाँ गाउँपालिका उपप्रमुख ३८ वर्षिय समला राई आईए उतिर्ण हुन् भने, साकेला गाउँपालिका उपप्रमुख ४२ वर्षिय सरिता खड्काले प्रबेशिका परिक्षा उतिर्ण गरेका हुन् । यस्तै, जन्तेढुंगा गाउँपालिका उपप्रमुख ४४ वर्षिय विमला राईले प्रबेशिका परिक्षा उतिर्ण गरेका हुन् ।