काठमाडौं मंसिर २२ ।
गत मंसिर १० र २१ गते सम्पन्न प्रदेश तथा प्रतिनिधि सभा सदस्य निर्वाचनको मतगणनाको क्रम जारी छ ।

मुलुकभर चार दिनभित्र प्रतिनिधिसभा र आठ दिनभित्र समानुपातिकतर्फको मतपरिणाम आउने गरी काम भइरहेको निर्वाचन आयोगले जनाएको छ ।

देशभर नै शान्तिपूर्ण रुपमा मतगणना भईरहेको आयोगको भनाई छ । तारको जाली बाहिर दलका प्रतिनिधि, जालीभित्र मतगणना गर्ने व्यक्ति राखेर मतगणना गरिदै छ ।
हाल मतगणना भईरहेको प्रतिनिधिसभाको ८० स्थानमा नेकपा एमालेले पाँच, माओवादी केन्द्रले १ र स्वतन्त्रले १ एक स्थानमा जित हात पारेको छ । त्यसैगरी एमालेले ३८, माओवादी केन्द्रले २१, नेपाली कांग्रेसले ८ र अन्यले ६ वटा क्षेत्रमा आग्रता लिएको छ ।

त्यसैगरी प्रदेशसभाको ९० क्षेत्रको मतगणनामा एमालेले ६, माओवादी केन्द्रले ३, कांग्रेसले २ र स्वतन्त्रले १ क्षेत्रमा विजय हाँसिल गरेका छन् ।
त्यस्तै प्रदेशसभामा एमालेले ३८, माओवादी केन्द्रले २५, नेपाली कांग्रेसले ८ र अन्यले ७ स्थानमा आग्रता लिएको छ ।

हालसम्मको मतपरिणम अनुसार प्रतिनिधिसभा सदस्य तर्फ नेपाली काग्रेसले खाता खोलेको छैन ।