काठमाडौं, मंसिर १२ – लगनखेलको बटुक भैरव मन्दिर र नमुना मछिन्द्र मावि नजिकै विष्फोट भएको छ । वाम गठबन्धनको आमसभामा नेकपा एमालेका अध्यक्ष केपी शर्मा ओलीले सम्बोधन गरिरहँदा आमसभा नजिकै विष्फोट भएको हो ।

विष्फोटबाट नमुना मच्छिन्द्र विद्यालयका झ्यालहरु फुटेका छन् । विष्फोटबाट कुनै मानवीय क्षति भने भएको छैन् । घटनास्थलमा प्रहरी पुगिसकेको र घटनाको विस्तृत विवरण आउन बाँकी रहेको महानगरिय प्रहरी वृत ललितपुरले जनाएको छ । घटनाकाे बारेमा प्रहरीले अनुसन्धान गरिरहेकाे छ । वाम गठबन्धनको अामसभास्थल नजिकै बम विष्फोट गराएर सर्वसाधरणलाई तर्साएर अामसभा बिथोल्न खोजेको हुन सक्ने प्रहरीले बताएको छ ।