गङरी क्ष्येाकला ज्युहेातु दक्पु श्यर्वा मिमाङतिवी ङेाटेात ज्युक्थम्बासेक ज्येाकुला दक्पी फमातिवी तङबेा ङेाने ज्युन हुर्तक नङी फेमवेइ । फमि ङेाने ज्युन चिइफेपु दक्पी ङेाटेात ज्येाकु तामतिवा पेस्येाप यिन्सीन श्यर्वी चिक्षेाक नंला चेप नंबी क्षेा ,के,रिक्स्युङ,कितङनातङ,तुक्षेन चेावेा तिवा,,दक्पी क्षालुक,श्यर्वी सापथुङगु तिवा,श्यर्वी किइ वाउ लाका लग्लेनतिवा रङ यीन ।

तिन्देारङ क्याने दक्पी चिक्षेाक नंला ज्युवेातु श्यर्वी खेनतिवा,गङरी थरश्येाकला फेपु श्यर्वातिवा,गेान्दाला ज्युवेातु गेगेन,खेन्पेा,चवीलामा,टुल्कु रिन्पेाक्षे तिवा श्यर्वा ग्युचल्वातिवा,ग्यङटक सकुलला क्षकलेन नङी वेातु श्यर्वा सागेाप्तातिवा,छेाक्पा छेाक्खामकी चेाजिन तिवी मङस्येाकक्याने श्यर्वी ङेाटेात तेान्डेामिजितुला ल्यागेन नङगिन फेमवेइ । नंवी क्षेा तङ दक्पु श्यर्वा सिरूति नमा तङ सियी देाक्यारङ यीन ।नंवी क्षेा तेान्ने डेामिजितुला दक्पु जम्बुलिङकी दासा नाछेाकला ज्युवेातु श्यर्वातिवी ल्यागेन नङी फेम्वेइ । दासा कनिरङ ज्युन वेासिनाङ दिकेार्ला रेवा नाङगेाउ खाक्क्षेसङ वेइ । जम्बुलिङकी लुङवा नाछेाकला गेाचुउवेातु दक्पु श्यर्वी छेाक्पा छेाक्खामतिवीसङ श्यर्वी क्षेा ,के,रिक्स्युङ,यर्गे तेाङगु मिग्युरतिवा भाषण तङ छेाक्पी बिधान नंलातिरङ मिन्दाक्याने दक्पु श्यर्वी क्षेा कि नंला तन्दी नेताङला कङङल कङनेाक ,चुक्यासिन लेमु यर्गे तेाङथुप्की ,तेरीकी चुक्याने ङ्यमडेल किथुप्की तिन्देारङक्याने दक्पी के लेाप्ज्येाङ नङुला सेम वेातु श्यर्वातिवाला चुक्याने लामतेर्थुप्की ,दि तमातिवा नासेम तेाङगेाउ थुङवेइ ।

श्यर्वी ङेाटेात ज्यकुला हुर्तक नङी फेपु गेान्दी लप्टुक,चवी लामा,खेन्पेा,टुल्कु ,रिन्पेाक्षेतिवाला लेाप्ज्येाङ थारख्यल्सीमा लुङवी नंला तन्द क्षिवा यंन यम्ब मिरिकतिवी क्षिवी के लामने श्युङनेसुर जागिर यंन लाका थेापु देाकेरङ क्याने गेान्दी लामातिवालासङ जागिर थेाप्गेाउ ताम श्युङला श्युवातिवा श्युङला ज्येाकगेाकी ।श्यर्वी युलला वेातु लेाप्टातिवाला यिन्जीमिन्जी श्यर्वी के लेाप्ज्येाङ गेाचुगेाकी ।चिलासिसिन टिक्पे नेज्युन श्यर्वी के दक्पी पेजातिवाला लाम्तेरथुप्सीन ज्युकथम्बासेक फेन्थेाकी ।

दक्पी श्यर्वी साप थुङगु तामतिवा चुकै वेइ? चुकै मन्ज्या केान्गी ?श्यर्वा हामपुमतिवी चकै केङेन तिवा देाकी ?श्यर्वी पेज्या यंन तेर्जेन तिवा कङकङ यीन ?गङरीला जेकु नाङु श्यर्वा सुसु यीन ?सिरू ता खाक्क्षे तिवा यम्बु ग्यलखपनंला हेातु यम्ब मिरिक ,दक्पी लुङवा केारा ग्यकफेपु क्षिग्यलकी डुल्वातिवाला खेन्थेाक तेरूला यम्बुला श्यर्वी संग्रहलाय ( खेनेार देम्तेाङखाङ ) जीक गेाजुगेाउ खाक्क्षेसङ वेइ । यम्बु लुङब नंब साङगे कु ठुङगु लुङब यीनसिने ख्याप्डा कितुला यम्बुला वेातु त्रिभुवन बिमानस्थलला (नम्डुथङ   ) नंब साङगेकि कु ज्याङथुप्सीन पमु तिरङमिन्दाक्याने लुङबाला लेमु तङ ङटेन्बुसङ गिइ । तिन्देारङ क्याने नंबी क्षेा धार्मिक स्थल तिवी पार,ब्रुसर,पम्प्लेट ,तङ यम्ब ख्याप्डा किथुपु तामतिवा ज्येाकथुप्सीन दक्पि ङेाटेात लुङबतङ क्षिग्याला मङ फेल्जितिला डेल्वा थेाप्कि ।

तन्दीकी नेताङला थेन्देाक नाछेाककी जेाने श्यर्वा मिमाङतिवा मङस्येाक क्षिग्यलला ज्युवेइ । क्षिग्यलला फेपु रिम्बासङ ङिन्रे ङिन फरी वेइ । मङस्येाक क्याने क्षिग्यलला ज्युवेातु श्यर्वी पेजातिवी क्षिवी के रङ लप्गेाउ तप्की श्यर्वी के ति ज्येने डेाइवतु चिग्यासङ थेाङवेइ । दि केार्ला क्षिग्यलला वतु दक्पु श्यर्वि छेाक्पातिवी तासाम नासेम तेाङमाथुप्सीन तिरू छासे कले गिवी । तिन्देारङ क्याने श्युङकि ल्याखुङ नाछेाकला तङ क्षब्सीत स्येाखातिवाला श्यर्वी गेाठित हुङजितुलला दक्पु श्यर्वी युलयुलला वेातु श्यर्वा ज्येन्दा ज्येन्मा तिवाला लेाक सेवा तयारी कक्षा गेाचुथुप्सुङ सीसीन लेमु गिवी । दि केारला छेाक्पा तेरी चीकडीक कि माथुप्सिन छेाक्पी चेाकी लाका लेमु रङ कि सिक्यासिनाङ श्यर्वा गेामाला डेामुथुपी । थुजिक्षे ।।