समायेाजन खबर/ ३ कार्तिक, काठमान्डैा
अक्टेाबर लाकी गते ८?९तङ १० क्यान ङिमा सुम सेक जम्बसलिङकी श्यर्वा तेरी जेामने बिश्व शेर्पा सम्मेलन यन जम्बुलिङ यर्वा ल्हेनजेाम ल्यरिम नाछेाक केाटिक क्याने ग्यक्षेवा क्यान डुप्सुङ ।
पालयुलगी लजिम्पर्ट–यडिसन डोनखङला स्र्रीदलोन शेर बहादुर क्ष्योगने जेगो उछेद् नङसुङ ।
ग्यालखप च्युटुककी स्यर्वा मीटङ ग्यच्यु ल्हगकी तेला छोग्स्यु नङनोग । जीम्लङ योङकी स्यर्वा चिगडेल क्यनि
स्यर्वी तम ,क्ष्यो,रिग्स्युङ, लुग्सो णचिग जोप तङ ञ्याम् डोमीज्यिउ, यार्गे कोङफेल,तोङगु ल्यामिकी मिगयाुल जीननङ नाग् ।
स्र्रीदलोन शेर बहादुरकी सङस्येद ज्योकु रिमबला स्यर्वा तेन्जिङ नोर्गेकी थेङ तङपो री च्योमालँङमा जेगनङनी स्यर्वी नम्डे ज्याकु तङ स्यर्वा तङ पालयुल सिनी जाम्बुलिङला खेफेल च्युङगु सुङस्ये नङसुङ ।
ल्यरिम चोजिन याम्बु स्यर्वी चिछोगकी छोग्चो आङ दोर्जी लामा स्यर्वा ज्युानङनोग । खोङगी तेला फेपुप तेरिला च्योनपा लेग्सो,तङ गासो नङसुङ । सुङस्येद ज्योक नङगुप तेरीकी स्यार्वा दोक्चा चिगडेल नङने, दग्पी तम, क्ष्यो, रिग्स्युङ यार्गे मिञ्याम् कोङफेल तोङगाउ सुङ साुङ ।
सम्मेलनकी तिङस्येाकला यम्बु श्यर्वा चिक्षेाककि चिख्याप अ।ङ देणडी श्यर्वि ङहेाकला ल्यजेम्बा मेरा ३३ ज्युवेातु जमलिङ श्यर्वा छेाक्पा सङ गेाचुसुङ तिन्देारङ क्याने सम्मेलनला फेपु श्यर्वातेरीला टसीदेलेक श्येाप मिग्युलकी बिश्व शेर्पा सागितिक साझ सङ केाटिक क्यासुङ ।जीप छिरीङ श्यर्वा मिक्सलकी डेन्बुला ज्युउ ती ल्यरिमला श्यर्वी चिछेाकनला ज्युवेातु ग्युचल्वातिवी लु नाङुनाङने गागाकिकिकी मुला छासे ल्हेनमु क्यान ल्यरिम डुप्सुङ ।
