ल्हाक्पा तेन्जी लामा

सांगेकी सुङ अे।तुजा,मेश्येउती दुङाल यीन

तिङसाङ येान्देन मेसयाङ,मिक मेतु देाक्ये यीन ।

तन्दा दाक्पु क्यीर्मु यीन फमा जाङबी कुटीनकी

फमी ठिलेन च्येालुला श्यब्जी लेमु श्युगेाकी ।

क्षेला चिताङ लेमु तङ टिक्पेला ङिङ्ज्ये किगेाकी

ङिङ्ज्ये तङ कितङकिरङ ,तम्जी लेमु जेाथुप्की ।

सेम जाङबेा क्यिगेाकी ,डा तङ डेन डिकरला

डेरिम बेतु लेमु मीन मि क्ष्युक्पु तङ ड्याम्ज्युङला ।

किर्मुलायाङ तेरीकी ल्हेइ,दुक्पाला ल्हागेाइ माङ

सेन्बुलाके मिसियाङ ,स्यिन गल्सीमा खाङनाखाङ ।

टेाङबा श्येाम्बु नासामकी ,देर्पा क्याने खाङ क्यिजा

ङिमा  ङिकी मिलुला,खुन्डेाजेति कङअे।त्जा ।

मि सुलारङ यिन्सीनाङ ,ठतेक कितु मेङगी

लाम नेारू तिवाला,टेाङगु लेमु तेर्गेाकी ।

दिक्पी लाका माक्याने ,फायेान लेमु क्विगेाकी

नासाम मेल्वा माताङने,टेङबी लाका क्विगेाकी ।

सेम्चेन तेरी च्यीकराङ यीन मिलु लाने अेापु यिन

दक्पु नंबी क्षेा चेप मि ।ह्रेाक च्येतु दिक्पा यिन ।

मि मिलु लाङगुला,छासे कले कले गि सिनेाक

मिलु थेापु पला,च्याङक्षुप सेम्पा किगेाइनेाक ।

ल्हाक्पा तेन्जी लामा

लेामङमु गेामाने ज्युन श्यर्वी केला ल्यारिम  ज्यिङक्येाङ किइ फेम्वेइ तिदेारङ क्याने श्यार्वी केला लुमाङमुसङ लङगु नाङवेइ ।