फुर्वा शेर्वा,समायेाजन खबर

रंगी क्ष्येा ,के,रिक्स्युङ ,कितङनातङ तङ जम्बुलिङला ङेाटेात ज्येाङ वेात्तु दक्पु श्यर्वा  लुङब तङ क्षिग्यल कनी ज्युवेासिनाङ तन्दासेक रंगी नंबा सांगेकी क्ष्येा चिइ फेम्वेइ ।

तन्दा तिरूकी नेताङला यम्बु ग्यालखापकी युल युलला गल्ने क्षिवा तिवी कृष्टीयन धर्म क्ष्येालुककी ख्याप्टा किइवेात्तु सङ तेरिला थुक्युरङ वेइ । लुङबा नाछेाक नेसुर यम्बु  ग्यालखपला वाने लाम,साबा,बत्ती ,लेाप्टा,नासा,ग्यङठक सकुल तङ यम्बा ग्यक्षेवा जेाप लाका तङ पल्ज्येार डेासुम किइवानवेात्तु क्षिवातिवी जेासालेन्सी दक्पी नंक्ष्येालासङ नेाक्यल वेइ । टेङगा यंन पल्ज्येारकी कङङल वेात्तु तिवाला डेल्वा तेरू तङ मिजी क्येाङगुपला लाका नाछेाक तेरू सिन ख्याप्डा किइवेात्तु तेरीला थुक्यु वेइ ।

रंगी क्ष्येालुक च्येामने यम्ब मिरिककी क्ष्येा चेप चेा की लेमु यीन ,ज्युकथम्बला दि की जेासालेन्सी चेाकी नेा क्यलकी दि केार्ला दक्पु श्यर्वा रंगीरङ नासम तेाङथुप्सीन लेमु गिवि । कृस्टीयन क्ष्येालुक की ख्याप्ता कितु यिन्सीन नंबी क्ष्येा तङ के ,रिक्स्युङला नेाक्यालु चिङ्ग्या लाका क्येाकपेालेाक्पु कितु मेइ ।

दक्पी फमी ङेाने ज्युन चिइन वाउ दक्पी ङेाटेात मेसीन दक्पु श्यर्वा यीन यम्बु ग्लखपनंला सङ श्यर्वा नेाक सिने पे तिरङ डिइ । तन्दा नासम तेाङ माथुपसीन दक्पी युलला वेातु ल्हाखाङ,मनी,क्ष्येार्तेन,नासा ,पेज्येाकखाङ तिवा ङ्यमक्ष्यकला स्येार्की ।

क्षेा तेरि चिकरङ यीन । यम्बा मिरिककी क्षेा ला नेाक्येालु मेलक्पा यीन सीरू तिरङ दे ङेकी ज्येाकु हुर्तक क्याउ यीन । तन्दा तिरू सामाजिक संजालतिवाला क्षिग्यलला कृस्टियन छेाक्पी अभियान कर्ता श्यर्वा सङ नेाक सिरू ताम थेासुङ । दि लेमु मीन । दक्पु श्यर्वी छेाक्पा ,किदुकहेाइहेाइ सङ ति लामला फेपु श्यर्वा कल्वी लाममा स्युकु देाकेरङ यिन सासिनाङ ख्यपर मेगी नेासुङ ।

श्यार्वा यिन्सीन श्यर्वी ङेाटेात (फेाटेातिवा)