फुर्बा शेर्पा

शेर्वा यिन् दक्पू तेरिकी शेर्वी ताम लोप्गोकी।

थलमा कि लोप्टा सिरुति खाङबरङ यिन्

तेरिकी पेज़तिवाला लोप्ज्योंग किगोकी ।

मीन तिरंग शेर्वा सिने मेगी शेर्वी केला लप्स्यु किठुप्गोकी ।

शेर्वा मिरिक मंग्मु वोतु दक्पी लुङ्ब यिन्

कनि गल्सिन नङ दक्पी ताम लोप्गोकी । शे

र्वी के मेखेन्न्दु शेर्वा तिवि शेर्वी के लोपुला हुर्तक किगोकी ।

मेसेवू तिवाला मर्च्या तङ च्योङा किरुमिन खामु जोप ला टोंग्गु तँ ङ सेम्स्यु पर्गोकी ।

 शेर्वी युल्ला शेर्वी लोप्टा जोगोकी पेजा तिवाला थाल्माला क्षिवा तङ यिन्जि के मीन शेर्वी के लोप्गोकी ।

कोरियेन् जापानिज ,तङ यिन्जी के दोकेरंग क्याने दक्पी लुंबा ला शेर्वी के लोपू लोप्टा जोगोंकी

 लोला ठेङगा तङ मणि रोगुतिरंग मिन् छ्यो लाम्ने शेर्वा तेरिकी क्ष्यकक्षाेपा किथोप्गोकी ।

शेर्वी स्युंग तिरंग गोकी सिने मेगी ।

 शेर्वी ताम तंग ङाेटाेत् ज्योग्गोकि

चठिम ल्हेन्छाेक त ङ शेर्वा चिछोक कि गोटित किरु सेर्वा तिवि शेर्वी ताम कोर्ला नासम तोंग्गोकी ।

त जोई वतु चठिम ति शेर्वी केला सङ वोंग्गोकी ।

 योकोहामा ,जापान