समायोजन खबर खोटाङ, खोटाङको हलेसी तुवाचुङ नगरपालिका–३ च्यास्मिटार धाराखोलाका ७१ वर्षीय बल बहादुर राईको टाउकोमा ढुंगा खस्दा मृत्यु भएको छ।

च्यास्मिटारको दाल्फुस्थित भित्री सडकखण्डमा ना १ क ७३४७ नम्बर(टेक बहादुर राई)को जेसीबी मेशिन मर्मत गर्ने क्रममा जेसीबीले खसाएको ढुंगाले करीव चार सय मिटर तल पैदल हिडिरहेका राईको टाउकोमा लाग्दा मृत्यु भएको प्रहरीले जनाएको छ।

बिहीबार दिउँसो १२ बजेर ३० मिनेटमा जेसीबी मेशिन मर्मत गरिएको थियो। दिउँसो १ बजेर २० मिनेटमा ढुंगा टाउकोमा खसेर राईको मृत्यु भएको जानकारी प्रहरीलाई पुगेको थियो।

प्रहरीले जेसीबी , जेसीबी चालक उदयपुर ताप्ली गाउँपालिका–२ लेखगाउँका २६ वर्षीय केवल मगरलाई नियन्त्रणमा लिएको छ।