समायोजन खबर खोटाङ, खोटाङमा छवटा राजनीतिक दलले प्रतिनिधिसभा निर्वाचनका लागि उम्मेद्वार टुंगो लगाएको छ।

नेकपा एमालेले देबबिक्रम राई, नेपाली कम्युनिष्ट पार्टीले विश्लेषक डा.हरि रोक्का, श्रम संस्कृति पार्टीले आरेन राई, जनता समाजवादी पार्टीले राकेश राई, राष्ट्रिय परिवर्तन पार्टीले मिरेश राई, राष्ट्रिय स्वतन्त्र पार्टीले रुद्र गिरीलाई उम्मेदवार बनाउने टुंगो लगाएको हो।

नेपाली कांग्रेसले भने हालसम्म उम्मेदवार नै सिफारिस गर्न सकेको छैन। राष्ट्रिय प्रजातन्त्र पार्टीले तीनजना सिफारिस गरेकामा एकको नाम टुंगो लागेको छैन। प्रतिनिधिसभा निर्वाचनका लागि माघ ६ गते उम्मेदवारको मनोनयनपत्र दर्ता र उम्मेदवारको नामावली सूचि तयार गरिने कार्यतालिका सार्वजनिक भईसकेको छ।