समायोजन खबर खोटाङ, जेनजी आन्दोलनमा केन्द्रीय कारागारबाट फरार भई लुकिछिपी बसिरहेका मन्दिप राईलाई प्रहरीले पक्राउ गरेको छ।

जगन्नाथदेवल केन्द्रीय कारागार काठमाण्डौमा आगजानी र ज्यान मार्ने मुद्धाको कैद सजाय भुक्तान गरिरहेका उदयपुरका ५५ वर्षीय राईलाई हलेसी तुवाचुङ नगरपालिका-११ राजापानीस्थित मंसिरेबाट पक्राउ गरिएको प्रहरीले जनाएको छ।

लुकिछिपी बसिरहेको अवस्थामा अस्थाइ प्रहरी पोष्ट राजापानीबाट खटेको टोलीले आइतबार राती ८ बजेर ३० मिनेटमा उनलाई पक्राउ गरेको हो। पक्राउ परेका राईलाई जिल्ला कारागार खोटाङमा बुझाईएको जिल्ला प्रहरी कार्यालयका सूचना अधिकारी प्रहरी निरीक्षक सुशान्त मिश्रले जानकारी दिए।

सामाजिक सञ्जाल खुला र व्याप्त भ्रष्टारचारविरुद्ध भदौ २३ र २४ गते नेपालमा जेनजी आन्दोलन भएको थियो। आन्दोलनकारीहरुले कारागार तोडफोड गरेपछि कैदीबन्दीहरु फरार भएका थिए।