समायोजन खबर खोटाङ, टायरमा बाँसको भाटा अड्किदा सुमो(जीप) दुर्घट्ना भएको छ। काठमाण्डौबाट फेदीतर्फ जाँदै गरेको ना १ ज ७१८१ नम्बरको सुमो केपिलासगढी गाउँपालिका–३ बासपानीस्थित तापखोलाको राखीमा दुर्घट्ना भएको हो।

बुधबार अपरान्ह ३ बजे बाक्सिलातर्फ जाँदै गर्दा टायरमा बाँसको भाटा अडकिएको र गाडी रोकेर चालकले भाटा निकाल्ने क्रममा अचानक गाडी ब्याग सरी सडकबाट अन्दाजी २०० मिटर तल झरेर दुर्घट्ना भएको प्रहरीले जनाएको छ।

दुर्घट्ना हुँदा सुमोमा सवार फेदीका ७३ वर्षीय दुर्गा प्रसाद राई गम्भीर घाईते भएका छन्। बोल्न नसक्ने अवस्थामा भेटिएका घाईते राईलाई उद्धार गरी केपिलासगढी गाउँपालिकाको एम्बुलेन्समा राखेर जिल्ला अस्पताल दिक्तेल उपचारमा पठाईएको प्रहरीले जनाएको छ।

सुमोमा चालक र घाईते राई मात्रै सवार रहेका थिए। दुर्घट्नाबाट सुमोमा पूर्ण क्षति पुगेको छ।