समायोजन खबर खोटाङ, खोटाङको दिक्तेल रुपाकोट मझुवागढी नगरपालिकाले रेड पाण्डा तथा थार महोत्सवको आयोजना गर्ने भएको छ। नगरपालिकाभित्र पाईने लोपोन्मुख रेड पाण्डा र थारको संरक्षण गर्ने उद्देश्यले मुन्दुम ट्रेल भ्रमण वर्ष २०२५ को अवसरमा उक्त महोत्सव गर्ने भएको हो।

नगरपालिकाको पाथेका, नेर्पा, चिउरीडाँडामा लोपोन्मुख रेड पाण्डा र थार पाईने गरेको छ।

करीव एक लाख मानिसलाई भ्रमण गराउने उद्देश्यले सन् २०२५ लाई मुन्दुम ट्रेल भ्रमण वर्षको रुपमा मनाउने तयारी भईरहंदा सरोकारवाला स्थानीय तहहरुले भिन्न–भिन्न महोत्सव गर्ने क्रममा नगरपालिकाले रेड पाण्डा तथा थार महोत्सव गर्ने निर्णय गरेको नगरप्रमुख तीर्थराज भट्टराईले बताए।

महोत्सव तयारीका लागि मुन्दुम ट्रेलसँग जोडिएका यस नगरपालिकाका वडाहरुका वडाध्यक्षहरु र फेकोफन लगायत सम्बन्धित सरोकारवालाहरु सहितको एक तयारी समिति बनाईनेछ। सो समितिबाट कार्ययोजना बनाई आवश्यक तयारी गरिनेछ। नगरप्रमुख भट्टराईले भने।
यो पनि पढ्नुहोस,दिक्तेलमा राष्ट्रिय बाँस सम्मेलनको तयारी