समायोजन खबर खोटाङ, खोटाङमा मझुवागढी कालिका भगवति दोश्रो संस्करण अन्तर्गत खुल्ला अन्तर वडा स्तरीय पुरुष फुटबल प्रतियोगिता हुने भएको छ।

एलाभेन ए साइडमा हुने प्रतियोगिता आगामी पुष २० गतेदेखि २७ गतेसम्म लफ्याङको रणजितमान राई खेलमैदानमा हुने भएको हो।

प्रतियोगितामा सहभागिताका पुष १५ गतेसम्म टिम दर्ता गर्नुपर्ने र टिम दर्ता गर्न ५ हजार ५ सय रुपैयाँ लाग्ने असोज १७ गते दिक्तेलमा पत्रकार सम्मेलन गरेर जानकारी दिईएको छ।

प्रतियोगिताको विजेताले १ लाख ५१ हजार १११, उपविजेताले १ लाख ११ हजार १११ रुपैयाँसहित ट्रफि, मेडल र प्रमाणपत्र पाउनेछन्। सेमिफाइनलिष्ट दुई टीमले जनही ३५ हजार ५५५ रुपैयाँसहित मेडल र प्रमाणपत्र प्राप्त गर्नेछन्।
वडा कार्यालय लफ्याङको आयोजना तथा नमुना स्पोर्टस क्लब लफ्याङको सहआयोजनामा हुने प्रतियोगिता सम्पन्न गर्न १७ लाख खर्च लाग्ने अनुमान गरिएको छ। फिफा नियम अनुसार खेल खेलाईनेछ।