समायोजन खबर खोटाङ, खोटाङमा आगलागी हुंदा घर र मतान घर जलेर नष्ट भएको छ। आगलागीवाट हलेसी तुवाचुङ नगरपालिका–११ राजापानीका ईन्द माया भुजलेको घर र मतान घर पूर्णरुपमा जलेर नष्ट भएको हो।

मंगलबार दिउँसो १ः४५ वजे विधुत सर्ट भई आगलागी हुंदा भुजेलको घर र मतान घर जल्दा १३ लाख ६५ हजार वरावरको क्षति भएको जिल्ला प्रहरी कार्यालय दिक्तेलका प्रहरी निरिक्षक राजेन्द्र पौडेलले जानकारी दिए।

आगलागीवाट घरभित्र रहेको अन्नपात, लत्ताकपडा, भाडावर्तन, नगद २५ हजार र ३ तोला चाँदी पूर्णरुपमा जलेको छ। यस्तै मतान घरमा रहेको दुई वटा गाई, एक वटा खसी, एक वटा बाख्रा पाठा, दुई वटा कुखुरा र आठ वटा परेवा जलेको छ।

आगलागीवाट मानवीय क्षति भएको छैन । स्थानीयवासी र प्रहरीले साँझ ५ वजे आगो नियन्त्रणमा लिएको प्रहरीले जनाएको छ।
यो पनि पढ्नुहोस,फर्निचर उधोगमा आगलागी, आधा करोडको क्षति