समायोजन खबर खोटाङ, खोटाङको दिक्तेल रुपाकोट मझुवागढी नगरपालिका–१३ नुनथलामा सुमो(जिप) र मोटरसाईकल ठोक्किएर दुर्घट्ना हुंदा मोटरसाइकल चालक गम्भीर घाईते भएका छन्।

मध्यपहाडी लोकमार्ग अन्तर्गत नुनथलाको बगाले चोकमा अन्दाजी ३ वजे काठमाण्डौबाट दिक्तेलतर्फ आउँदै गरेको ना १ ज ४६९१ नम्बरको सुमो र विपरीत दिशावाट गईरहेको बा ८२ प ५३६० नम्बरको मोटरसाइकल एकअर्कामा ठक्कर खाई दुर्घट्ना हुंदा मोटरसाइकल चालक रावाबेंशी गाउँपालिका–१ कुभिण्डेका २६ वर्षीय सोम राई गम्भीर घाईते भएका हुन्।

घाईतेलाई उपचारका लागि जिल्ला अस्पताल दिक्तेलमा ल्याईएको प्रहरीले जनाएको छ। उनको अवस्था गम्भीर भएकाले काठमाण्डौ लाने तयारी भईरहेको छ।

सुमो चालक र मोटरसाईकल प्रहरीले नियन्त्रणमा लिएको छ। थप अनुसन्धान भईरहेको प्रहरीले जानकारी दिएको छ।