समायोजन खबर खोटाङ, करणी मुद्दामा फरार रहेका साकेला गाउँपालिका–२ रतन्छाका ३६ वर्षीय नरदेश राई पक्राउ परेका छन्।

राईलाई प्रहरी चौकी रतन्छाबाट खटेको प्रहरी टोलीले साउन २७ गते पक्राउ गरेकोे जिल्ला प्रहरी कार्यालयका प्रहरी निरीक्षक एवंम् सूचना अधिकारी बेनु कार्कीले जानकारी दिए।

राईले २०७२ माघ १८ गते अन्दाजी रातको १२ बजेको समयमा एक्लै घर फर्कदै गरेकी १४ वर्षीया सुस्तमनस्थितिकी बालिकालाई जबर्जस्ती गरेको भनेर २०७२ माघ २० गते प्रहरीमा जाहेरी परेको थियो।

जाहेरी परेपछि फरार रहेका राईलाई जिल्ला अदालत खोटाङले १३ वर्षको कैद तोकेको थियो। पक्राउ परेका राईलाई सोमबार जिल्ला अदालतमा पेश गरेर आजै कैद भुक्तानका लागि जिल्ला कारागार पठाईएको छ