समायोजन खबर खोटाङ, खोटाङमा एकजना महिला मृत फेला परेका छन्। खोटेहाङ गाउँपालिका–३ सवाकटहरे नागीका ६६ वर्षीया क्षमा राई मृत फेला परेको हो।

पुस १७ गते घरमा कसैलाई जानकारी नगराई हिडेकोमा आफन्तहरुले खोजतलास गर्दा बुधबार बिहान ८ बजे घरभन्दा ५०० मिटर पश्चिमतर्फ सडकको दाहिने साइडमा राई मृत फेला परेको प्रहरीले जनाएको छ।

कानुनी प्रक्रिया पूरा गरी स्वास्थ्य चौकी इन्द्रेणीपोखरीमा शवको पोष्टमार्टम गरी मृतकको देवर नाता पर्ने कर्ण बहादुर राईले शव बुझेको प्रहरीले जनाएको छ।