समायोजन खबर खोटाङ, खोटाङमा एकजना महिला मृत अवस्थामा भेटिएका छन्। ऐसेलुखर्क गाउँपालिका–४ जलेश्वरीका ४५ वर्षीया मेकमाया तामाङ मृत अवस्थामा भेटिएकी हुन्।

ऐसेलुखर्क बजारमा हिजो शनिबारे हटिया गएकोमा अबेरसम्म पनि घर नफर्केपछि परिवार तथा आफन्तले खोजतलासी गर्दा अन्दाजी साँझ ७ बजे ऐसेलुखर्क र जलेश्वरीको सिमाना कटुन्जे खोलामा तामाङ मृत अवस्था फेला परेको प्रहरीले जनाएको छ।

तामाङ मृत अवस्थामा भेटिएको खबर आएपछि इलाका प्रहरी कार्यालय ऐसेलुखर्कबाट प्रहरी निरीक्षको कमाण्डमा प्रहरी पुग्दा कटुन्जे खोलाभित्र ढुंगामा मृत लास अड्किएको अवस्थामा रहेको थियो।