समायोजन खबर खोटाङ, खोटाङमा प्रहरीले गाँजा नष्ट गरेको छ। ईलाका प्रहरी कार्यालय हलेसी महादेवस्थानले शुक्रबार गाँजा नष्ट गरेको हो।

ईलाका प्रहरी कार्यालय हलेसीका प्रमुख प्रहरी निरीक्षक प्रमोद कार्कीको कमाण्डमा निस्केको गस्ती टोलीले हलेसी तुवाचुङ नगरपालिका–५ दुर्छिम रावु गाउँको विभिन्न स्थानको खेतवारीमा उम्रिएको ५ सय बोट नष्ट गरेको जनाएको छ।
उम्रिएको गाँजा फडानी गरी सोही ठाउँमा जलाएर नष्ट गरिएको ईप्रका हलेसीले जनाएको छ।