समायोजन खबर खोटाङ, नेकपा ओली समूहले प्रधानमन्त्री तथा पार्टी अध्यक्ष केपी शर्मा ओलीको उपस्थितिमा आज बुटवलमा बृहत् प्रदर्शन गर्ने तयारी गरेको छ ।

काठमाडौंमा माघ २३ गते गरिएको सो पार्टीको जनसभामा स्वयं प्रधानमन्त्री ओलीले सहभागी नेता–कार्यकर्ताहरूलाई यो कास्टिङ मात्रै भएको र जनसभा हेर्न फागुन १ गते बुटवलमा आउन आग्रह गर्नुभएको थियो ।

माघ १५ गते प्रचण्ड–नेपाल समूहले गरेको प्रदर्शनलाई काउण्टर गर्न ओली समूहले यस्तो तयारी गरेको हो । प्रधानमन्त्री केपी शर्मा ओलीले प्रचण्ड समूहको बुटवलको प्रदर्शन संख्यालाई व्यंग्य गर्दै जनलहर हेर्न आफ्नो पार्टीले गर्ने भेलामा आउन भन्नुभएको थियो ।

शनिबार बुटवलमा गर्ने प्रदेशस्तरीय जनप्रदर्शनलाई व्यापक बनाउन ओली समूहले सबै जिल्लाका भेला, कार्यक्रमसहित व्यापक तयारी गरेको थियो ।

विशेषगरी रुपन्देहीमा ओली समूहको बलियो क्षेत्र मानिन्छ । महासचिव विष्णु पौडेलको गृहजिल्ला पनि भएकाले यहाँको प्रदर्शनलाई महŒवका साथ हेरिएको छ । रुपन्देहीमा हुने सभालाई शक्ति प्रदर्शनका रूपमा समेत उपयोग गर्ने तयारी नेकपा ओली समूहले थालेको छ ।