समायोजन खबर खोटाङ, राष्ट्रिय दलित पत्रकार संघ जिल्ला शाखा खोटाङले पत्रकार राजन ठटाल र कृष्णकला राई (सुनिता)लाई नगदसहित सम्मान गरेको छ।

संघको दोश्रो जिल्ला अधिवेशनका अवसरमा मंगलबार जिल्ला समन्वय समितिको सभाहलमा पत्रकार ठटाल र पत्रकार राईलाई जनही दुई हजार पाँच सयसहित सम्मान पत्र प्रदान गरेर सम्मान गरिएको संघका जिल्ला अध्यक्ष सविना परियारले बताए।पत्रकारिताको माध्यमबाट समाज परिवर्तन र दलित समुदायको प्रतिनिधित्व गर्दै दलित शसक्तिकरणको क्षेत्रमा कलम चलाएर समतामूलक समाज निर्माणका लागि महत्वपूर्ण योगदान पु¥याएकाले सम्मान गरिएको जनाईएको छ।

रावाबेशी गाउँपालिका–१ कुभिण्डेका पत्रकार ठटाल इफोकस न्युजका अध्यक्ष, एभिन्युज टेलिभिजन र हिमशिखर टेलिभिजनका जिल्ला संवाददाता हुन् भने दिक्तेल रुपाकोट मझुवागढी नगरपालिका–१० पाथेकाकी राई खोटाङटुडे डटकमका सञ्चालक र पत्रकार महासंघ जिल्ला शाखा खोटाङका उपाध्यक्ष हुन्।