पाँच हजार बलिदानको मात्र जिम्मा लिने छुट प्रचण्डलाई छैन : गुरुङ

पाँच हजार बलिदानको मात्र जिम्मा लिने छुट प्रचण्डलाई छैन : गुरुङ

अनलाईन लोगो



समायोजन खबर खोटाङ,

नेपाली कांग्रेसका केन्द्रीय सदस्य धनराज गुरुङले नेपाली जनताको रगत बगाएर होली खेल्ने छुट कसैलाई नभएको बताएका छन् । शुक्रबार खोटाङको जन्तेढुंगा गाउँपालिका–५ चिसापानीमा शहीद हर्कबहादुर राई स्मृति प्रतिष्ठानको आयोजनामा सुरु भएको अन्तर मावि स्तरिय भलिवल प्रतियोगीता उद्घाटन गर्दै कांग्रेस नेता गुरुङले नेकपाका अध्यक्ष प्रचण्डले केही दिनअघि मात्र शसस्त्र द्धन्द्धकाक्रममा ज्यान गुमाएका सत्र हजार नागरिकमध्ये पाँच हजार जनाको मात्र जिम्मेवारी लिने अभिव्यक्ती दिएको भन्दै आपत्ती जनाए ।

‘यती हजारको जिम्मा म लिन्छु, उती हजारको जिम्मा तिमीले लिनुपर्छ भन्दै छ । के नेपाली जनतालाई मारेर नेपाली जनताको रगत बगाएर होली खेल्ने छुट कसैलाई छ ?,’ कांग्रेस नेता गुरुङले भने, ‘यती हजारको रगतमा म होली खेल्छु, यती हजारको रगतमा तिमी होली खेल्नु भन्ने अधिकार कसैलाई छैन ।’
कांग्रेस नेता गुरुङले मुलुकमा जनताको स्वार्थभन्दा व्यक्तीगत स्वार्थका लागि राजनिती हावी भएको उल्लेख गरे । ‘हामीले नेपाली जनता र देशका लागि राजनिती गरेको हौँ । जनता मार्नका लागि राजनिती गरेका होइनौंँ । राजनिती मुलुकका लागि गरेका हौंँ । नेपाली जनताका लागि राजनिती गरेका हौँ । गरिबभन्दा गरिब नेपालीलाई माथि उठाउनका लागि हामीले राजनिती गरेका हौँ,’ नेता गुरुङले भने, ‘गरिबभन्दा गरिबलाई शोषण गर्नका लागि राजनिती गरेका होईनौं । गरिबभन्दा गरिब जनतालाई करको भारीले थिचेर श्वासै फेर्न नसक्ने अवस्था सिर्जना गर्नका लागि राजनिती गरेका होइनौं ।’

कांग्रेस नेता गुरुङले नेपाली राजनेताको अकर्मण्यताका कारण नेपाली जनता गरिबमाथि झन् गरिब बन्दै गएकोमा चिन्ता व्यक्त गरे । ‘आज गरिबभन्दा गरिब नेपाली दिनप्रतिदिन अझ गरिब बन्दै गइरहेका छन् । गरिब जनतालाई करको भारी थोपर्ने काम भएको छ । गरिबभन्दा गरिबले चाडपर्व बनाउदै गर्दा ऐँचोपैंचो गरेर पर्व मनाउनु पर्ने बाध्यता छ,’ गुरुङले भने, ‘तर तिनै गरिबभन्दा गरिब नेपालीले तिरेको करबाट जम्मा भएको राज्यको ढुकुरीबाट राष्ट्रपतिलाई डेढ अर्वको हेलीकोप्टरमा चढाउन यो संघीय लोकतान्त्रिक गणतन्त्र बनाएका होइनौं भन्ने कुराको चेत खोल्न आवश्यक छ ।’

कांग्रेस नेता गुरुङले नेपाली भूमीलाई भारतले मिच्दा प्रधानमन्त्रीले चुईँक्क बोल्न नसकेको बताए । ‘हामीले देशका लागि राजनिती गरेको हो तर सिंगो देशको सिमा मिचिदै गर्दा लिम्पीयाधुरा र लिपुलेक भारतको नक्सामा गाभिँदै गर्दा पनि चुईँक्क बोल्न नसक्नेलाई हामीले प्रधानमन्त्रीको कुर्सीमा देखिरहेका छौँ,’ नेता गुरुङले भने, ‘गरिबभन्दा गरिब नेपालीको मत लिएर सांसद, मन्त्री र प्रधानमन्त्री बनेका नेताले दशैंमा तिनै गरिब नेपालीले तिरेको राज्यको ढुकुटीबाट दशैं भत्ता लियो । त्यसका लागि हामी नेपालीले रगत बगाएका होइनौं ।’

गुरुङले पछिल्लो समय जताततै भ्रष्टाचार मौलाएको बताए । ‘हिजो यती हजार घुस खायो, यती लाख रुपैयाँ घुस खायो भन्ने सुन्दै थियौँ । तर आज वाईडवडीबाट साँढे चार अर्व, सुन काण्ड, बुढीगण्डकीमा अर्बौ रुपैयाँ घुस खाने, कमिसन खाने, हुँदा हुँदा प्रधानमन्त्री निवास बालुवाटारको जग्गा पनि खाएको सुनिरहेका छौँ,’ नेता गुरुङले भने, ‘के यही देख्नका लागि हो नेपाली जनताको बलिदान ! त्यस कारणले जनता सचेत हुन आवश्यक छ । गरिबभन्दा गरिब नेपालीलाई थिचेर मिचेर शासन गर्नेलाई चिन्न आवश्यक छ । नेपाली जनताको रगत र पसिनामा होली खेलेर संघीय लोकतान्त्रिक गणतन्त्र मजबुत हुन सक्दैन ।’

कार्यक्रममा नेविसंघका पुर्वमहामन्त्री मनोजमणी आचार्य, नेविसंघका पुर्वमहामन्त्री प्रतिमा गौतम, नेविसंघका पुर्व उपाध्यक्ष प्रमोदहरी गुरागाई, नेविसंघका पुर्वसह–महामन्त्री मिथिलेस मिश्र, महासमिति सदस्य रबिप्रकाश राई, महाधिबेसन प्रतिनिधि भूपेन्द्र राई, क्षेत्रीय सभापति तिर्थराज भट्टराई लगायतले बोलेको शहीद हर्कबहादुर राई स्मृति प्रतिष्ठानका सचिव बाजिन्द्र बिष्टले जानकारी दिए ।

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology