भबन नहुंदा बृद्धबृद्धालाई शास्ती

भबन नहुंदा बृद्धबृद्धालाई शास्ती

भबन फिनिसिङका लागि १२ लाख बजेट बिनियोजन




चिसाङ शेर्पा खोटाङ,
बजेट अभाव हुंदा जेष्ठ नागरिक जिल्ला संघ दिक्तेलको दिवासेवा भवनको काम ठप्प भएको छ । दिक्तेल रुपाकोट मझुवागढी नगरपालिका–१ दिक्तेलस्थित हुलाक कार्यालय अगाडी रहेको दिवासेवा भवनको फिनिसिङको काम ठप्प भएको हो ।

 

जेष्ठ नागरिकका निम्ति तत्कालिन जिल्ला विकास समितिले कार्यालय सञ्चालनका लागि दिइएको खर्च, महिला तथा वालवालिका कार्यालयले दिइएको मसलन्द खर्च, चन्दा संकलन र बृद्धबृद्धाले देउसी खेलेर जम्मागरी जिल्ला हुलाक कार्यालय अगाडी बनाइएको दुईकोठे भवनको समापनको काम गर्न नसक्दा शास्ती भएको जेष्ठ नागरिक जिल्ला संघका सचिव राम ताम्राकारले जानकारी दिनुभयो । बृद्धबृद्धाका लागि कार्यालय सञ्चालनमा आएको रकम, मसलन्द खर्च, चन्दा, देउसी खेलेर जम्मा गरेको सबै पैसाले बनेको दुईकोठे भबनलाई एक वर्षसम्म बजेट अभावमा फिनिसिङ गर्न नसकिदा बुढाबुढीलाई शास्ती भएको उहाँको भनाई छ ।

 

२०७२ सालमा शुभद्रा–मदन फाउण्डेसनका विधार्थीद्धारा निर्मित बाँसको नमुना घरमा पिडादायिक रुपमा बस्दै आएका बृद्धबृद्धालाई शौच गर्नदेखी कार्यालय सञ्चालनमा समस्या भएको छ । बृद्धबृद्धाका लागि बनाइएको बाँसको नमुना घरमा दिउँसोको समयमा घामपानी र हावाहुरीले दुःख दिने गरेको जेष्ठ नागरिक जिल्ला संघ खोटाङका अध्यक्ष दुर्गा घिमिरेले बताए । बृद्धबृद्धा जमघट गर्दै दुखसुख साटासाट गर्ने थलो त हो । उनले भने, ‘तर, कतीबेला पानी पर्ने हो कहाँ भाग्नुपर्ने हो थाहा छैन । कतीपय बृद्धबृद्धा पानी पर्दा दौडिंदा हातखुट्टामा समेत चोट लाग्ने गरेको छ ।’

फाटेको त्रिपाल, बाँसको टेका, डोरीले बाँधेर बनाइएको नमुना घरमा हाल बृद्धबृद्धा जमघट गर्दै दुखसुख साटासाट गर्दै आएको दृश्य दिक्तेल रुपाकोट मझुवागढी नगरपालिकाका मेयर दिपनारायण रिजालले अनुगमन गरेर सहयोग गर्ने आश्वसन दिएपनि हालसम्म बजेट बिनियोजन नगरी दिंदा काम ठप्प भएको छ । भबनको काम रोकिदा बृद्धबृद्धा पिडा नै पिडामा परेको छ । जिल्लाभरीका बृद्धबृद्धाका लागि बनाइएको भवनमा पार्टीगत हिसावले सहयोग गर्नमा ढिलाई भएको बृद्धबृद्धाहरुले अनुमान गरेका छन् ।

 

आफूहरुका निम्ति आएको पैसा पनि कन्जुस गरेर बनाएको भबन सम्पन्न गर्न नसक्दा बृद्धबृद्धाहरु अन्योलमा परेको छ । बुढ्यौली शरीरमा घामपानीले दुःख दिन थालेपछि आशा देखाउनेहरुसँग बृद्धबृद्धाहरु आक्रोसित हुंदै आएका छन् । दिवा सेवा भवनमा चाहिने आवाश्यक सामग्रीहरु भएपनि भवन नहुंदा सामग्रीहरु समेत थन्कीएर बसेको र कतीपयमा खिया नै आइसकेको छ ।

 

जेष्ठ नागरिकको दिवासेवा भबन फिनिसिङका लागि १२ लाख बजेट बिनियोजन भइसकेको दिक्तेल रुपाकोट मझुवागढी नगरपालिकाका मेयर दिपनारायण रिजालले बताए । भबन निर्माण उपभोक्ता समितिका अध्यक्ष नआएको कारण काम सुरुवात नभएको मेयरको भनाई छ । नगरपालिकाले भबनको फिनिसिङ र अगाडी पार्क निर्माण गरिदिने बताएको छ ।
क्याप्सनः तातो घामबाट छेलिदै बृद्धबृद्धाहरु, तस्विर : चिसाङ शेर्पा, २०७५ भदौ ६ गते साँझ ८: ०६ मा प्रकाशित
यो पनि पढ्नुहोस

सम्मानजनक अभिभावक पालन पोषण गर्ने सम्मानित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology