Samayojan khabar

Advertisment

SKIP THIS

मिर्गौला ओसारपसारमा संलग्न तीनजना पक्राउ

मिर्गौला ओसारपसारमा संलग्न तीनजना पक्राउ




पुस १४, २०७३- मानव अंग मिर्गौलाको ओसारपसारको अभियोगमा तीनजना पक्राउ परेका छन् । विशेष सुराकीको आधारमा महानगरिय प्रहरी अपराध महाशाखाले काठमाडौं उपत्यकाबाट विकास भन्ने विनुबहादुर तिमल्सिना, प्रकाश बस्नेत र भीमप्रसाद न्यौपानेलाई पक्राउ गरेको हो ।

उनीहरुले भारतको विभिन्न सहरमा जागिर लगाइदिन्छु भनेर नेपालका मानिसलाई प्रलोभनमा देखाएर भारत लैजाने र भारत लगेपछि बेहोस बनाइ मानव अंग मिर्गौला झिकेर बेच्ने गरेको प्रहरी अनुसन्धानबाट खुल्न आएको छ ।

प्रहरीले आज तीनैजनालाई पत्रकार सम्मेलन मार्फत सार्वजनिक गरेको छ ।

मिर्गौला तस्करीमा ५ जनाको संलग्न रहेपनि अमृत गुरुङ र नारायण नेपाली भने फरार रहेको प्रहरीले जनाएको छ । उनीहरुको खोजी कार्य जारी रहेको प्रहरीको भनाइ छ ।

प्रहरीले तिमल्सिना र बस्नेतमिलेर ग्राहक खोज्ने गरेको र न्यौपाने र गुरुङले देशको विभिन्न ठाउँबाट जागिर लागाइदिने लोभ देखाएर काठमाडौं ल्याउने गरेको अनुसन्धानबाट खुलेको जनाएको छ ।

उनीहरुले ल्याएका व्यक्तिहरुलाई ‘जागिर लगाइदिनु पहिले स्वास्थ्य परीक्षण गर्नुपर्छ’ भन्दै रगत समूह पत्ता लगाउने गरेको पनि प्रहरीको भनाइ छ ।

तीनजनाले गोरखा, कास्की लगायतका विभिन्न ठाउँबाट ५ जनाबढीलाई लोभ देखाएर भारत लगेर मिर्गौला झिकेको अनुसन्धानबाट देखिएको छ ।

मानव बेचविखन तथा ओसारपसार ऐन २०६४ मा ‘प्रचलित कानुन बमोजिम बाहेक मानिसको कुनै अंग झिक्नेलाई १० वर्ष कैद र २ लाख रुपैयाँसम्म जरिवाना हुने’ व्यवस्था गरिएको छ ।

यसैगरी ऐनमा शोषण गर्ने उद्देश्यले एक ठाउँबाट अर्को ठाउँमा लैजानेलाई १ वर्षदेखि २ वर्ष कैद र विदेश लगेको भए २ वर्षदेखि ५ वर्षसम्म कैद सजाय हुन सक्नेछ उल्लेख छ ।

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology