अग्नि पिडित बालकलाई सहयोग

समायोजन खबर खोटाङ,
दिक्तेल रुपाकोट मझुवागढी नगरपालिका–५ लफ्याङका सुस्तमनोस्थितिका अग्नि पिडित १२ वर्षीय सुर्यप्रकाश राईलाई आर्थिक सहयोग गरिएको छ । दुई महिनाअघि अगेनामा परेपछि बायाँ खुट्टाको घुँडा डढ्दा घाउमा किरा परेका बालकको सहयोगार्थ किरणजित राईको संयोजकत्वमा गठित सहयोग समितिले १ लाख १४ हजार ४४८ रुपैयाँ आर्थिक सहयोग गरेको हो । बालकको सहयोगार्थ संकलित रकम मंगलबार जिल्ला समन्वय समितिको सभाहलमा प्रमुख जिल्ला अधिकारी बिष्णुहरि उपाध्यायले बालकका बाबु कुन्दन राईलाई हस्तान्तरण गरे ।

आर्थिक अभावका कारण बेलामा उपचार नपाउँदा घाउमा किरा परेपछि भदौ ३ गते जिल्ला अस्पताल दिक्तेलमा उपचारमा लगिएका बालकको सहयोगार्थ समिति गठन गरिएको थियो । भदौ १० गते १५ हजार ८०५ रुपैयाँ प्रदान गरेको सहयोग समितिले पुःन संकलित रकम पिडितलाई हस्तान्तरण गरेको हो । संकलन भएकोमध्ये केही रकम कृषि विकास बैंकको शाखा कार्यालयमा पिडितको नाममा खोलिएको खातामा जम्मा गरिएको सहयोग संकलन समितिकी आर्थिक संयोजक सविता भुजेलले बताईन् । जिल्ला अस्पतालमा उनको घाउबाट १५ वटा किरा निकालिएको जनाइएको छ । जन्मजात सेरेवल पाल्सीबाट पिडित बालकको यसअघि पनि आगोमै परेर हात डढेको थियो ।

सेरेवल पाल्सी नाम निको नहुने रोगका कारण सुस्त भएका कारण उनी पटक–पटक अगेनामा परिसकेका छन् । निम्न आर्थिक अवस्था भएका सुर्यप्रकाशको लालन–पालनका लागि खर्च गर्न रकम सहयोग गरिएको सहयोग समितिका संयोजक राईले बताए । घाउमा किरा परिसकेकाले जिल्ला अस्पतालका स्वास्थ्यकर्मीले किर्तिपुर अस्पताल काठ्माण्डौं लैजान सुझाव दिए पनि आर्थिक अभावकै कारण अन्यत्र लैजान नसकेको परिवारले जनाएको छ ।

 

अभियान्ता सञ्जयकुमार राई, सिता थुलुङ, सविता, किरणजीत, शुशिला निनाम लगायतको पहलमा उनका लागि सहयोग रकम जुटाइएको हो । बोलचाल गर्न नसक्ने सुस्तमनोस्थितिका सुर्यप्रकाश हिँडडुल समेत सक्दैनन् । बाबु कुन्दन नगरपालिकाको फोहोर संकलन गर्ने मजदुरका रुपमा काम गर्दै आएका छन् । आमाले चार वर्षअघि दोश्रो विवाह गरेर छाडेपछि उनी कान्छिआमा र बाबुको रेखदेखमा बसिरहेका छन् । उनी घरका जेठो सन्तान हुन् ।

यो पनि पढ्नुहोस

तीन पटक जले सुर्य,पिडामा मल्हम लगाउन जुटे युवा

२०७६ असोज १४ गते साँझ ५ :५४ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

गाउँपालिकाका सबै वडामा बर्थिङ सेन्टर स्थापन गर्नेमा दिप्रुङ दोश्रो

चिसाङ शेर्पा खोटाङ, दश स्थानीय तह रहेको खोटाङमा पालिकाको...

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

महिला व्रत बसेको दिन यौन सम्पर्क गर्न हुन्छ कि हुदैन ?

समायोजन खबर एजेन्सी, महिला व्रत बसेको दिन यौन सम्पर्क...

मुख्य समाचार

गाउँपालिकाका सबै वडामा बर्थिङ सेन्टर स्थापन गर्नेमा दिप्रुङ दोश्रो

चिसाङ शेर्पा खोटाङ, दश स्थानीय तह रहेको खोटाङमा पालिकाको...

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

कुकुर तिहार र लक्ष्मीपूजा एकै दिन

समायोजन खबर काठमाडौं, पाञ्चांग निर्णायक समितिले यस वर्षको तिहारमा...