चाडवाडको मुखमा सवै ग्रामिण सडक ठप्प

चिसाङ शेर्पा खोटाङ,
खोटाङका सम्पूर्ण ग्रामिण सडकहरु बन्द हुंदा यात्रुहरु मारमा परेका छन् । लगातारको वर्षाले ग्रामिण सडकहरु बन्द हुंदा चाडवाड मनाउन आउने/जाने यात्रुहरु मारमा परेका हुन् । चाडवाडका समयमा सडक बन्द हुंदा यात्रुहरु अन्यौलमा परेको खोटाङ यातायात प्रालिका महासचिव रामकुमार हिङमाङले जानकारी दिए ।

हिजो अस्तिसम्म फाट्टफुट्ट चल्दै आएका ग्रामिण सडक पनि पूर्णरुपमा बन्द भएका छन् । ग्रामिण सडक त पूरै बन्द भयो । हिङमाङले भने, ‘दिक्तेल–काठमाण्डौ र दिक्तेल–तराई जाने सडकमा नै पहिलेको तुलनामा ३/४ घण्टा बढी लागे पनि जसोतसो चलेकै छ ।’ वर्षाका कारण दिक्तेल–जालपा–ऐंसेलुखर्क–बाक्सिला, दिक्तेल–पाथेका, दिक्तेल–बुईपा–रसुवा, दिक्तेल–टेम्मा–पञ्चमी, दिक्तेल–मात्तिमको ग्रामिण सडक बन्द छ । ठेकेदारका कारण निर्माण चरणमा ढिला हुंदा मध्यपहाडी लोकमार्ग अन्तर्गतको दिक्तेल–निर्मलीडाँडा–चखेवाभन्ज्याङ सडक पनि बन्द छ ।

बन्द भएका ग्रामिण सडकहरु चुस्तदुस्त राख्नका लागि यसअघि नै स्थानीय निकायलाई पत्राचार गरी सकिएको प्रमुख जिल्ला अधिकारी विष्णुहरि उपाध्यायले बताउनुभयो । वर्षा रोकिएपछि सडक सुचारु गराउन स्थानीय निकाय परिचालन गरिने प्रजिअ उपाध्यायको भनाई छ । गाउँगाउँसम्म पुग्ने सडक बन्द भएपछि दशै तिहार मनाउन गाउँ फर्कने कि नफर्कने अधिकांशलाई चिन्ता भएको छ ।

यस्तै,जिल्लामा रहेका तीन विमानस्थलमध्ये दुई विमानस्थल मात्रै सञ्चालनमा छ । थामखर्क विमानस्थल र लामिडाँडा विमानस्थल सुचारु भईरहंदा सदरमुकाम नजिक रहेको मनमाया राई खानीडाँडा विमानस्थल भने पहिरोले तानेर बन्द छ । हवाईयात्रामा पहुंच नभएकालाई सडक यात्रा गर्नु परे पनि सडक नै बन्द छ । वर्षाले बन्द भएको सडक वर्षा रोकिएपछि खुलाउने भनिएता पनि मौसमविदले भने, शनिबारदेखि हिजोअस्ति भन्दा धेरै पानी पर्नेे बताएका छन् ।
२०७६ असोज ११ गते अपरान्ह ४ :४० मा प्रकाशित

प्रतिकृया दिनुहोस

सम्बन्धित समाचार


ताजा अपडेट

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

महिला व्रत बसेको दिन यौन सम्पर्क गर्न हुन्छ कि हुदैन ?

समायोजन खबर एजेन्सी, महिला व्रत बसेको दिन यौन सम्पर्क...

होलेसुङ-जनकराज मार्ग गोल्डकप : आयोजकको विजयी सुरुवात

समायोजन खबर खोटाङ, होलेसुङ–जनकराज राई मार्ग गोल्डकपमा आयोजक साकेला...

मुख्य समाचार

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

कुकुर तिहार र लक्ष्मीपूजा एकै दिन

समायोजन खबर काठमाडौं, पाञ्चांग निर्णायक समितिले यस वर्षको तिहारमा...

आगलागीबाट कपडा पसलसहित एक घर जलेर नष्ट

समायोजन खबर सोलुखुम्बु, सोलुखुम्बुको नेचासल्यान गाउँपालिका– १ ख्याम्पुमा आगलागीबाट...