श्रीमाबि बाँसबोटेमा विज्ञान प्रयोगशाला

समायोजन खबर खोटाङ,
दिक्तेल रुपाकोट मझुवागढी नगरपालिका–५ लफ्याङस्थित श्रीमाबि बाँसबोटेमा विज्ञान प्रयोगशाला उद्घाटन गरिएको छ । दिक्तेल रुपाकोट मझुवागढी नगरपालिकाको छ लाख ५० हजार अनुदानमा विज्ञान प्रयोगशालाका आवश्यक सामग्री जुटाएर विज्ञान प्रयोगशाला निर्माण गरिएको हो ।

विज्ञान प्रयोगशाला जिल्ला समन्वय समितिका प्रमुख बबी चाम्लिङ, वडाध्यक्ष निर्मल राई, व्यवस्थापन समितिका अध्यक्ष राजेन्द्र राई लगायतले उद्घाटन गर्नु भएको हो । २०१७ सालमा स्थापित विद्यालयमा पहिलोपल्ट विज्ञान प्रयोगशाला स्थापना गरिएको प्रअ जसराज किरातीले बताए । प्रयोगशाला अभावमा हालसम्म विज्ञान विषयको सैद्धान्तिक पक्षका बारेमा मात्र अध्ययन हुँदै आएको थियो । विज्ञान प्रयोगशाला बनेपछि विद्यार्थी उत्साहित बनेका छन् । प्रयोगशाला अभावमा जिल्लाका अधिकांश विद्यालयको विज्ञान विषयको पठन–पाठन प्रभावहिन देखिएको छ ।

 

यस्तै, श्रीमावि बाँसबोटेमा वालमैत्री कक्षा उद्घाटन गरिएको छ । स–साना वालबालिकालाई विद्यालयमा आकर्षित गर्नका लागि श्रीमाबिमा साजसज्जा सहितको वालमैत्री कक्षा निर्माण गरिएको हो । ‘कोठामै बसिरहुँ’ लाग्ने वातावरण निर्माणका लागि वालमैत्री कोठाको चारैतिरका भित्तामा रंगीन चित्र, अंक, अक्षर र नक्सा कोरेर सजाइएको छ । बालबालिकाको सिकाईका लागि कोठाको भित्तामा वर्णमाला, बाहखरी, अंग्रेजी अल्फाबेट, सयअंक, दुनांक, १२ महिना, ऋतु, शरीरका अंग लगायत प्रारम्भिक ज्ञानगुणका विषयलाई सचित्र वर्णन गरिएको छ ।

 

यस बाहेक दिक्तेल रुपाकोट मझुवागढी नगरपालिका, खोटाङ, १ नम्बर प्रदेश र संघीय नेपालको नक्सा पनि कोरिएको छ । कार्पेटमाथि चकटी र होचो राउण्ड टेवल राखिएको कक्षा कोठामा बालबालिकाले मन लगेको पढ्न पाउने, रम्न पाउने, खेल्न पाउने, शैक्षिक सामग्री खेलाउन पाउने, प्रोजेक्टरबाट भिडियो हेर्न पाउने व्यवस्था मिलाइएको प्रअ किरातीले बताए । कार्यक्रमकै अवशरमा अवकाश प्राप्त विद्यालयका शिक्षक दानबहादुर राईको विदाई गरिएको छ ।
२०७६ भदौ १० गतेराती ८ :०३ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

परिमार्जित पत्रकार आचारसंहिता सार्वजनिक

समायोजन खबर काठमाण्डाै, पत्रकार आचारसंहिता विपरीत काम गर्ने सञ्चारमाध्यमले...

दाँत फुकाल्न नेकपा अध्यक्ष ‘प्रचण्ड’ अस्पतालमा

समायोजन खबर काठमाडौं, नेपाल कम्युनिस्ट पार्टी (नेकपा)का अध्यक्ष पुष्पकमल...

अझै केही दिन फरक बैंकको एटीएम कार्ड नचल्ने

समायोजन खबर काठमाण्डौ, एउटा बैंकको एटीएम कार्ड अर्को बैंकको...

भोलिदेखि मौसममा सुधार हुने, सावधानी अपनाउन आग्रह

समायोजन खबर काठमाण्डौ, बुधबार पनि बिहानैदेखि देशका धेरै ठाउँमा...

भोजपुर नगरपालिका खुल्ला दिशामुक्त घोषित

समायोजन खबर भोजपुर, लामो समयको अभ्यासपछि भोजपुर नगरपालिका मंगलबारबाट...

मुख्य समाचार

के साँच्चै कम्युनिष्ट नै छौं त अहिले ? अध्यक्ष दाहाल नेकपाका अध्यक्ष पुष्प कमल दाहाल प्रचण्ड

समायोजन खबर काठमाडौं, नेपाल कम्युनिष्ट पार्टी (नेकपा)का अध्यक्ष पुष्पकमल...

परिमार्जित पत्रकार आचारसंहिता सार्वजनिक

समायोजन खबर काठमाण्डाै, पत्रकार आचारसंहिता विपरीत काम गर्ने सञ्चारमाध्यमले...

संसदको चौथो अधिवेशन सकियो

समायोजन खबर, बर्खे अधिवेशन भनेर चिनिने संसदको चौथो अधिवेशन...

पश्चिमी इन्डोनेसियामा भूकम्प

समायोजन खबर, इन्डोनेसियाको पश्चिम भागमा पर्ने जाभा प्रान्तमा बिहीबार...

भिभिआइपी चढ्ने सरकारको हेलिकप्टर आइपुग्यो

समायोजन खबर काठमाडौँ, सरकारले उच्च पदस्थ व्यक्तिको सवारीगर्न भनेर...