वडाध्यक्ष सहित चार जना प्रहरी नियन्त्रणमा

समायोजन खबर खोटाङ,
स्थानीय युवालाई निर्घात कुटपिट गरेको अभियोगमा खोटाङको केपीलासगढी गाउँपालिका–५ सप्तेश्वरका वडाध्यक्ष सहित चार जनालाई प्रहरीले नियन्त्रणमा लिएको छ । शुक्रबार राती सप्तेश्वरकै ३० वर्षीय महेश राईलाई हुलहुज्जत गरेर मरणासन्न हुनेगरी कुटपिट गरेको ठाडो उजुरीका आधारमा वडाध्यक्ष खगेन्द्र राई सहित चार जनालाई नियन्त्रणमा लिइएको प्रहरीले जनाएको छ ।

हुलहुज्जत गरेर स्थानीयलाई आक्रमण गरेको ठाडो उजुरी परेपछि अनुसन्धानका लागि वडाध्यक्ष सहित चार जनालाई जिल्ला प्रहरी कार्यालयमा झिकाइएको प्रहरी नायब उपरिक्षक बामदेव गौतमले बताए । ‘कारबाहीको माग गर्दै घाईतेको आफन्तले ईलाका प्रहरी कार्यालय बाक्सिलामा ठाडो निवेदन दिएको छ,’ डिएसपी गौतमले भने, ‘त्यही निवेदनको आधारमा छानवीनका लागि वडाध्यक्ष सहित चार जनालाई झिकाइएको हो । अहिले घट्नाको विषयमा अनुसन्धान भइरहेको छ ।’

कुटपिटबाट गम्भीर घाईते भएका महेशलाई आईतबार १ लाख ८० हजारमा हेलीकोप्टर चार्टर गरेर केएमसि अस्पताल काठ्माण्डौं पु¥याइएको छ । स्थानीय स्वास्थ्य संस्थामा उपचार सम्भव नभएपछि उनलाई काठ्माण्डौं पु-याइएको हो । कुटपिटका क्रममा महेशको टाउको, छाती लगायत शरीरका विभिन्न भागमा चोट तथा निलडाम लागेको आफन्तले बताएका छन् । वडा कार्यालयको भवन निर्माणका लागि उपभोक्ता समिति गठनका विषयलाई लिएर उनीहरुबीचमा झगडा भएको श्रोतले बताएको छ ।

 

शुक्रबार दिउँसो बोलाइएको बैठकमा वडाध्यक्षले पुरानै उपभोक्ता समितिलाई कायम गरेर भवन निर्माणको काम अघि बढाइनुपर्ने अडान लिइरहेको अवस्थामा घाईते राई लगायतको समुहले नयाँ समिति बनाउनुपर्ने प्रस्ताव गर्दा विवाद भएको थियो । रातका समयमा वडाध्यक्ष दलबल लिएर स्थानीय देवान राईको घरमा गएको खबर सुनेपछि त्यसतर्फ जानेक्रममा महेशमाथि आक्रमण भएको स्थानीयले बताएका छन् । बैठकमा महेशले उपभोक्ता समिति पुःर्नगठन सँगै समितिको सचिवमा दावी गरेका थिए । विवाद भएपछि बैठक विनानिष्कर्ष टुंगिएको थियो । बैठकमा महेश, देवान लगायतले पुरानो उपभोक्ता समितिको काम पारदर्शी नभएकाले नयाँ उपभोक्ता समिति गठन गर्नुपर्ने आवाज उठाएका सहभागी बताउँछन् ।
२०७६ भदौ २ गते दिउँसो ४ :०१ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

परिमार्जित पत्रकार आचारसंहिता सार्वजनिक

समायोजन खबर काठमाण्डाै, पत्रकार आचारसंहिता विपरीत काम गर्ने सञ्चारमाध्यमले...

दाँत फुकाल्न नेकपा अध्यक्ष ‘प्रचण्ड’ अस्पतालमा

समायोजन खबर काठमाडौं, नेपाल कम्युनिस्ट पार्टी (नेकपा)का अध्यक्ष पुष्पकमल...

अझै केही दिन फरक बैंकको एटीएम कार्ड नचल्ने

समायोजन खबर काठमाण्डौ, एउटा बैंकको एटीएम कार्ड अर्को बैंकको...

भोलिदेखि मौसममा सुधार हुने, सावधानी अपनाउन आग्रह

समायोजन खबर काठमाण्डौ, बुधबार पनि बिहानैदेखि देशका धेरै ठाउँमा...

भोजपुर नगरपालिका खुल्ला दिशामुक्त घोषित

समायोजन खबर भोजपुर, लामो समयको अभ्यासपछि भोजपुर नगरपालिका मंगलबारबाट...

मुख्य समाचार

के साँच्चै कम्युनिष्ट नै छौं त अहिले ? अध्यक्ष दाहाल नेकपाका अध्यक्ष पुष्प कमल दाहाल प्रचण्ड

समायोजन खबर काठमाडौं, नेपाल कम्युनिष्ट पार्टी (नेकपा)का अध्यक्ष पुष्पकमल...

परिमार्जित पत्रकार आचारसंहिता सार्वजनिक

समायोजन खबर काठमाण्डाै, पत्रकार आचारसंहिता विपरीत काम गर्ने सञ्चारमाध्यमले...

संसदको चौथो अधिवेशन सकियो

समायोजन खबर, बर्खे अधिवेशन भनेर चिनिने संसदको चौथो अधिवेशन...

पश्चिमी इन्डोनेसियामा भूकम्प

समायोजन खबर, इन्डोनेसियाको पश्चिम भागमा पर्ने जाभा प्रान्तमा बिहीबार...

भिभिआइपी चढ्ने सरकारको हेलिकप्टर आइपुग्यो

समायोजन खबर काठमाडौँ, सरकारले उच्च पदस्थ व्यक्तिको सवारीगर्न भनेर...