सरकार भन्दा बलियो भो भ्रष्टाचारी : सांसद उषाकला राई

समायोजन खबर खोटाङ,
खोटाङका प्रदेशसभा सांसद उषाकला राईले मुलुकमा सरकार भन्दा बलियो भ्रष्टाचार र भ्रष्टाचारी भएको टिप्पणी गरेकी छन् । आईतबार प्रदेशसभाको बैठकमा विशेष समय लिएर प्रदेशसभा सदस्य राईले भ्रष्टाचारको अन्त्य गर्ने सरकारको प्रयत्नका वावजुद पनि सरकारभन्दा भ्रष्टाचारी बलियो बनेको भन्दै प्रश्न उठाएकी हुन् । ‘सरकारले भ्रष्टाचार अन्त्य गर्ने प्रयत्न गरिरहेको छ, सरकारले विभेद अन्त्य गर्ने प्रयत्न गरिरहेको छ,’ सत्तारुढ दलकी सांसद राईले भनिन्, ‘तर पनि यहाँ किन सरकारभन्दा बलियो भ्रष्टाचार र भ्रष्टाचारीहरु बनिरहेका छन् ? किन बारम्बार विभेद बल्झिेन गर्छ, बारम्बार किन हिंसाले मान्छेलाई डसेर सिध्याउने गर्छ ?’


प्रदेशसभा सदस्य राईले नेपाली जनता र शहीदको रगतले लेखिएको नेपालको संविधान २०७२ को अक्षरस पालना नहुँदा भ्रष्टाचार, विभेद र हिंसाले प्रश्रय पाएको बताएकी छन् । उनले संविधानमा स्वतन्त्रता, सार्वभौमिकता, भौगोलिक अखण्डता, राष्ट्रि«य एकता, स्वाधिनता, स्वाभिमानलाई अक्षुण्ण राख्ने, विभेदको अन्त्य गर्ने कुरा उल्लेख गरिए पनि सरकार तथा प्रतिपक्षी दलले संविधानको कार्यान्वयनमा उदासिनता देखाएको उल्लेख गरिन् । ‘संविधानमा लेखिएको अक्षर कालो मसीको थोपा मात्र होईन । शहीद, नेपाली जनताको त्याग, तपस्या र रगतले लेखिएको अक्षर हुन् । तर यी विषयबाट हामी कतातिर जाँदैछाँै भन्ने प्रश्न उठिरहेको छ । यो सरकारप्रतिको मात्र प्रश्न होईन । प्रतिपक्षी पनि जिम्मेवार हुनु पर्छ ।’

प्रदेशसभा सांसद राईले वर्तमान सरकारले सामाजिक विभेद अन्त्या गर्ने कुरा गरिरहे पनि महिलामाथिको हिंसा, बलात्कार तथा दलितमाथिको छुवाछुत दोहोरिरहेको बताईन् । ‘हामी बोल्छौँ, प्रतिवद्धता गर्छौँ । तर कार्यान्वयनमा कहाँ चुकिरहेका छौँ,’ राईले भनिन्, ‘आमुल परिवर्तनका लागि यत्रो संघर्ष र क्रान्ती भएको हो, तर त्यी क्रान्तीका विषयहरु, दुःख र कष्टका आवाजलाई विर्सिदै गएकोमा ध्यानाकर्षण गराउन चाहन्छु ।’
२०७६ भदौ २ गते बिहान ९ :०२ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

परिमार्जित पत्रकार आचारसंहिता सार्वजनिक

समायोजन खबर काठमाण्डाै, पत्रकार आचारसंहिता विपरीत काम गर्ने सञ्चारमाध्यमले...

दाँत फुकाल्न नेकपा अध्यक्ष ‘प्रचण्ड’ अस्पतालमा

समायोजन खबर काठमाडौं, नेपाल कम्युनिस्ट पार्टी (नेकपा)का अध्यक्ष पुष्पकमल...

अझै केही दिन फरक बैंकको एटीएम कार्ड नचल्ने

समायोजन खबर काठमाण्डौ, एउटा बैंकको एटीएम कार्ड अर्को बैंकको...

भोलिदेखि मौसममा सुधार हुने, सावधानी अपनाउन आग्रह

समायोजन खबर काठमाण्डौ, बुधबार पनि बिहानैदेखि देशका धेरै ठाउँमा...

भोजपुर नगरपालिका खुल्ला दिशामुक्त घोषित

समायोजन खबर भोजपुर, लामो समयको अभ्यासपछि भोजपुर नगरपालिका मंगलबारबाट...

मुख्य समाचार

के साँच्चै कम्युनिष्ट नै छौं त अहिले ? अध्यक्ष दाहाल नेकपाका अध्यक्ष पुष्प कमल दाहाल प्रचण्ड

समायोजन खबर काठमाडौं, नेपाल कम्युनिष्ट पार्टी (नेकपा)का अध्यक्ष पुष्पकमल...

परिमार्जित पत्रकार आचारसंहिता सार्वजनिक

समायोजन खबर काठमाण्डाै, पत्रकार आचारसंहिता विपरीत काम गर्ने सञ्चारमाध्यमले...

संसदको चौथो अधिवेशन सकियो

समायोजन खबर, बर्खे अधिवेशन भनेर चिनिने संसदको चौथो अधिवेशन...

पश्चिमी इन्डोनेसियामा भूकम्प

समायोजन खबर, इन्डोनेसियाको पश्चिम भागमा पर्ने जाभा प्रान्तमा बिहीबार...

भिभिआइपी चढ्ने सरकारको हेलिकप्टर आइपुग्यो

समायोजन खबर काठमाडौँ, सरकारले उच्च पदस्थ व्यक्तिको सवारीगर्न भनेर...