Samayojan khabar

Advertisment

SKIP THIS

अवरोधका वावजुद ६ टहरा भत्काइयो

चिसाङ शेर्पा खोटाङ,
स्थानीयको अवरोधका वावजुद खोटाङको दिक्तेल–हलेसी सडकखण्डको रत्नपार्कमा मापदण्ड विपरीत बनेका टहरा भत्काइएको छ । नगरपालिकाभित्र रहेका राष्ट्रिय योजनाका सडकलाई व्यवस्थित र नगरपालिकालाई सुन्दर बनाउन रत्नपार्कमा मापदण्ड विपरीतका टहरा भत्काइएको हो । टहरा भत्काउने क्रममा स्थानीयहरुले कर्मचारीमाथि हातपातको प्रयास गर्दै अवरोध गर्न खोजेका थिए ।


नगरपालिकाले थालेको अभियान प्रक्रियागत नभएको र सानाठूलाको व्यवहार गरेर काम भएको भन्दै स्थानीयले अवरोध गरेका हुन् । स्थानीयको अवरोधका वावजुद दिक्तेल–हलेसी सडक खण्डको रत्नपार्कमा ६ वटा टहरा हटाइएको नगरपालिकाका राजनीतिक सल्लाहाकार कमल ढकालले बताए । उनका अनुसार टेक बहादुर बराईली, प्रकाश अधिकारी, ज्ञान बहादुर राई, दुर्गा कार्की, रमला राई, रामकाजी खत्रीको टहरा हटाइएको छ । नगरपालिकाको निर्देशन अनुसार रत्नपार्कका केदार श्रेष्ठले भने टहरा धमाधम भत्काउन थालेका छन् । सोमबार २४ घण्टाको लिखित अल्टिमेटम दिएकाले समेत बुधबारसम्म टहरा नहटाउदा नगरले ताकेता गरेको हो ।


रत्नपार्कमा मोटरबाइक ग्यारेज सञ्चालन गर्दै आएका ज्ञान बहादुर राईले भने, आफूलाई जानकारी तथा अल्टिमेटम नगराई सामान निकाल्ने मौका समेत नदिई ग्यारेज भत्काई दिएको भन्दै क्षतिपूर्तीको माग गरेका छन् । नगरले भने ग्यारेजमा काम गर्ने कामदारलाई पत्र दिएको बताएको छ । ग्यारेज भत्काइएपछि स्थानीयहरु उग्र बनेका थिए । नगरसँग असन्तुष्ट पक्षले कर्मचारीमाथि हातपातको प्रयास समेत गरेका थिए । रत्नपार्कको जिरोप्वाइन्टबाट मापदण्ड विपरीतका टहरा नहटाएर मनलागी बिचबाट भत्काएको भन्दै स्थानीयले नगरपालिकाको कडा आलोचना गरेको थियो । नम्स विनाको संरचना भए हटाउनु पर्ने तर, जानकारी विना मानिसको गरिखाने भाडो तोड्ने कार्य राम्रो नभएको बाम्राङका वडाध्यक्ष ललित राईले बताए । वडामा भएको कुरा वडालाई नै थाहा नभएको समेत उनले बताए ।


नगर प्रमुख दिपनारायण रिजालका अनुसार पहिलो चरणमा मापदण्ड विपरीतका टहरा हटाईने र त्यसपछि मापदण्ड मिचेर प्रक्रिया पूरा नगरेका घरहरु भत्काउन लागिने बताए । उनका अनुसार तत्काल चारवटा घरहरु भत्काउने प्रक्रिया अन्तिम चरणमा पुगेको छ । नगर क्षेत्रभित्र मापदण्ड मिचेर घर टहरा बनाएमा अथवा नक्सा पास नगरी घर टहरा बनाएमा नगरपालिकाले जुनुसुकै वेला भत्काउन सक्ने र भत्काउदा लाग्ने खर्च संरचना बनाउनेबाट नै असुलउपर हुने र नगर प्रमुखको तर्फबाट पाँच लाखसम्म जरिवाना गराउन सक्ने कानुनी प्रावधान रहेको नगरप्रमुख रिजालले बताए । सडकको दायाँबायाँ ३१/३१ मिटर छोडेर भौतिक संरचना बनाउन तथा घर, टहरा बनाउँदा नगरपालिकासँग नक्सा पास गरेर मात्रै बनाउन पाईने नगरपालिकाले जनाएको छ ।
२०७६ साउन २२ गते राती ८ :१८ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

अग्नि पिडित शिशुलाई अमेरिकाबाट एक लाख १८ हजार सहयोग

चिसाङ शेर्पा खोटाङ, अमेरिकामा वसोवास गरिरहेका नेपालीहरुबाट अग्नि पिडित...

गलत बाटोतर्फ एसईई परिक्षार्थी

चिसाङ शेर्पा खोटाङ, यतिबेला देशभर एसईई ग्रेड सुधारको परिक्षा...

उदयपुरमा श्रीमानको कुटाइबाट श्रीमतीको मृत्यु

समायोजन खबर उदयपुर, उदयपुरको बेलका नगरपालिका–५ का तीर्थ आलेमगरको...

प्रभु साहले दिए प्रदेश २ अध्यक्षबाट राजिनामा

समायोजन खबर काठमाण्डौ, पार्टी अध्यक्ष पुष्पकमल दाहाललाई भेटेर साहले...

देशभर सामान्य बदली, केही भूभागमा पानी पर्ने सम्भावना

समायोजन खबर काठमाण्डौ, देशभरको मौसम आज सामान्यतया बदली रहने...

मुख्य समाचार

नेकपामा नेपालको लिखित असहमति

समायोजन खबर काठमाडौं, सत्तारूढ दल नेपाल कम्युनिस्ट पार्टी (नेकपा)...

अग्नि पिडित शिशुलाई अमेरिकाबाट एक लाख १८ हजार सहयोग

चिसाङ शेर्पा खोटाङ, अमेरिकामा वसोवास गरिरहेका नेपालीहरुबाट अग्नि पिडित...

गलत बाटोतर्फ एसईई परिक्षार्थी

चिसाङ शेर्पा खोटाङ, यतिबेला देशभर एसईई ग्रेड सुधारको परिक्षा...

उदयपुरमा श्रीमानको कुटाइबाट श्रीमतीको मृत्यु

समायोजन खबर उदयपुर, उदयपुरको बेलका नगरपालिका–५ का तीर्थ आलेमगरको...

प्रधानमन्त्री ओली डेढ साता सिंगापुर बस्ने

समायोजन खबर काठमाडौं, प्रधानमन्त्री केपी शर्मा ओलीको सिंगापुर बसाई...