Samayojan khabar

Advertisment

SKIP THIS

मापदण्ड मिचेर बनेका टहरा हटाइयो

चिसाङ शेर्पा खोटाङ,
खोटाङको दिक्तेल रुपाकोट मझुवागढी नगरपालिकाले सडकको दायाँबायाँ मापदण्ड मिचेर बनाएका टहरा हटाएकोे छ । दिक्तेल–हलेसी सडकखण्डको रत्नपार्क, बाम्राङ र दिक्तेल–चखेवाभन्ज्याङ सडकखण्डको अल्छेढुंगामा बनेका टहरा हटाएको हो । मापदण्ड मिचेर सडकको दायाँबायाँमा टहरा बनाएका व्यक्तिहरुलाई पटक–पटक हटाउन पत्रचार गर्दा समेत अटेरी गरेकाले सोमबारबाट नगरपालिकाको स्काभेटर प्रयोग गरेर टहरा हटाउन थालिएको नगरपालिकाले जनाएको छ ।

दिक्तेलको अल्छेढुंगा नजिक मापदण्ड मिचेर बनेका टहरा हटाइदै । तस्विर चिसाङ शेर्पा

पहिलो दिनमा चारवटा टहरा हटाइएको र अन्य चार वटा टहरालाई २४ घण्टामा हटाउन कागजी सहमतिपछि छोडिएको नगरपालिकाका राजनीतिक सल्लाहकार कमल ढकालले जानकारी दिए । टहरा हटाउने पहिलो दिनमा दिक्तेल अल्छेढुंगाका प्यारीमाया शर्किनी, बाम्राङका दुर्गा बहादुर कार्की र डिल्ली बहादुर कार्की सहित अन्य एकवटा टहरा हटाइएको छ ।

नगरपालिकाभित्र रहेका राष्ट्रिय योजनाका सडकलाई व्यवस्थित र नगरपालिकालाई सुन्दर बनाउन मापदण्ड मिचेर बनाइएका टहरा हटाउन थालिएको नगरपालिकाका नगरप्रमुख दिपनारायण रिजालले बताए । यसपछि मापदण्ड मिचेर प्रक्रिया पूरा नगरेका घरहरु भत्काउन लागिने नगरप्रमुख रिजालले बताए । उनका अनुसार तत्काल चारवटा घरहरु भत्काउने प्रक्रिया अन्तिम चरणमा पुगेको छ । सडकको दायाँबायाँ ३१/३१ मिटर छोडेर भौतिक संरचना बनाउन तथा घर, टहरा बनाउँदा नगरपालिकासँग नक्सा पास गरेर मात्रै बनाउन पाईने उनले बताए ।

दिक्तेलको बाम्राङमा मापदण्ड मिचेर बनेका टहरा हटाइदै । तस्विर चिसाङ शेर्पा

नगर क्षेत्रभित्र मापदण्ड मिचेर घर टहरा बनाएमा अथवा नक्सा पास नगरी घर टहरा बनाएमा नगरपालिकाले जुनुसुकै वेला भत्काउन सक्ने र भत्काउदा लाग्ने खर्च संरचना बनाउनेबाट नै असुलउपर हुने र नगरप्रमुखको तर्फबाट पाँच लाखसम्म जरिवाना गराउन सक्ने कानुनी प्रावधान रहेको नगरप्रमुख रिजालले बताए । नगरपालिकाले पटकपटक सूचना तथा लिखित जानकारी दिए पनि मापदण्ड मिचेर बनाइएका संरचना नहटाएकाले अब सवैखाले घर टहरा भत्किने नगरपालिकाले जनाएको छ । यद्यपी, स्थानीयहरुले भने नगरको कामप्रति असन्तुष्टि जनाएका छन् । जनताले बनाएका मात्रै संरचना भत्किने कि नगरले समेत मापदण्ड मिचेर बनेका संरचना भत्किने भनेर प्रतिप्रश्न गरे । आफूहरुलाई विना जानकारी टहरा हटाइएको बाम्राङका दुर्गा बहादुर कार्कीले दुखेसो पोखे ।
२०७६ साउन २० गते साँझ ६ :२३ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

अग्नि पिडित शिशुलाई अमेरिकाबाट एक लाख १८ हजार सहयोग

चिसाङ शेर्पा खोटाङ, अमेरिकामा वसोवास गरिरहेका नेपालीहरुबाट अग्नि पिडित...

गलत बाटोतर्फ एसईई परिक्षार्थी

चिसाङ शेर्पा खोटाङ, यतिबेला देशभर एसईई ग्रेड सुधारको परिक्षा...

उदयपुरमा श्रीमानको कुटाइबाट श्रीमतीको मृत्यु

समायोजन खबर उदयपुर, उदयपुरको बेलका नगरपालिका–५ का तीर्थ आलेमगरको...

प्रभु साहले दिए प्रदेश २ अध्यक्षबाट राजिनामा

समायोजन खबर काठमाण्डौ, पार्टी अध्यक्ष पुष्पकमल दाहाललाई भेटेर साहले...

देशभर सामान्य बदली, केही भूभागमा पानी पर्ने सम्भावना

समायोजन खबर काठमाण्डौ, देशभरको मौसम आज सामान्यतया बदली रहने...

मुख्य समाचार

नेकपामा नेपालको लिखित असहमति

समायोजन खबर काठमाडौं, सत्तारूढ दल नेपाल कम्युनिस्ट पार्टी (नेकपा)...

अग्नि पिडित शिशुलाई अमेरिकाबाट एक लाख १८ हजार सहयोग

चिसाङ शेर्पा खोटाङ, अमेरिकामा वसोवास गरिरहेका नेपालीहरुबाट अग्नि पिडित...

गलत बाटोतर्फ एसईई परिक्षार्थी

चिसाङ शेर्पा खोटाङ, यतिबेला देशभर एसईई ग्रेड सुधारको परिक्षा...

उदयपुरमा श्रीमानको कुटाइबाट श्रीमतीको मृत्यु

समायोजन खबर उदयपुर, उदयपुरको बेलका नगरपालिका–५ का तीर्थ आलेमगरको...

प्रधानमन्त्री ओली डेढ साता सिंगापुर बस्ने

समायोजन खबर काठमाडौं, प्रधानमन्त्री केपी शर्मा ओलीको सिंगापुर बसाई...