Samayojan khabar

Advertisment

SKIP THIS

रिहाईको माग गर्दै प्रदर्शन

चिसाङ शेर्पा खोटाङ,
प्रहरीले पक्राउ गरेका चारजना युवाहरुलाई विनाशर्त तत्काल रिहाइको माग गर्दै दिक्तेलबजारमा प्रदर्शन गरिएकोे छ । संविधानमा समावेसी व्यवस्था र समानुपातिक व्यवस्था विपरित लोकसेवा आयोगले विज्ञापन खुलाएको विरोधमा शनिबार आव्हान गरिएको १ नम्बर प्रदेश बन्द अन्तरगत चारजनालाई प्रहरीले पक्राउ गरेको भन्दै रिहाइका लागि प्रदर्शन गरिएको हो ।

 

दिक्तेल बहुमुखी क्याम्पसमा लोकसेवा आयोगको पाँचौ तह परिक्षा सञ्चालनका क्रममा परिक्षा अवरोध गर्न पुगेका नेपाल आदिबासी जनजाती महासंघका सचिव रबिन खम्बु, महासंघका सह–सचिव लालबहादुर मगर, खोटाङ दलित विकास मञ्चका अध्यक्ष मिलन चाहार र मञ्चकी कोषाध्यक्ष सविना अछामेलाई धरपकड तथा कुटपिट गर्दै अमानवीय व्यवहारसहित प्रहरीले पक्राउ गरेपछि संयुक्त संघर्ष आन्दोलन परिचालन समिति तथा नेपाल आदिवासी जनजाति महासंघ जिल्ला समन्वय परिषद खोटाङले दिक्तेलबजारमा शनिबार दिउँसो प्रदर्शन गर्दै उनीहरुको विनाशर्त रिहाईको माग गरेका हुन् ।

                                        पक्राउ परेकाको रिहाईको माग गर्दै प्रदर्शनमा सहभागीहरु । तस्विर चिसाङ शेर्पा

दिक्तेलको भवनगैराबाट सुरु भएको प्रदर्शन रत्नपार्क, हाटडाँडा हुंदै त्रिवेणीचोकमा आएर कोणसभामा परिणत भएको थियो । कोणसभालाई बुद्धिजीवि मन विक्रम राई, शिक्षक धनीराम राई, अपांग सेवासंघ खोटाङका अध्यक्ष पृथी जिम्बा, किरात राई पत्रकार संघका केन्द्रीय अध्यक्ष भिम राई, अन्तरपाटी महिला सञ्जालकी उपाध्यक्ष रश्मी रसाइली, किरात राई यायोक्खाका उपाध्यक्ष सन्जय कुमार राई, नेपाल आदिवासी जनजाति महासंघ जिल्ला समन्वय परिषदका अध्यक्ष तथा संघर्ष आन्दोलन परिचालन समितिका संयोजक हात्तिराम राईले सम्बोधन गरेका थिए । अधिकार प्राप्तीको आन्दोलनमा शान्तिपुर्ण ढङ्गबाट विरोध गर्न पाउने मौलिक हकलाई प्रहरी प्रशासनले दबाउन खोजेको र हिरासतमा रहेका चार जनालाई विनाशर्त रिहा गरिनुपर्ने उनीहरुले बताएका छन् । मागलाई वेवास्ता गरिए जस्तोसुकै आन्दोलन गर्न समेत संघर्ष समिति तयार हुने संयुक्त संघर्ष आन्दोलन परिचालन समितिका संयोजक राईले बताए ।


नेपाल आदिवासी जनजाती महासंघ, मधेसी, मुस्लिम, दलित, महिला, अपाङ्गता भएको व्यक्तिहरु र पिछडिएको क्षेत्रको तर्फवाट गत जेठ १६ गतेबाट ‘आरक्षण बचाउ आन्दोलन’मा होमिदै आएकाहरु पक्राउ परेपछि समाजवादी पार्टी जिल्ला समिति खोटाङले पनि उनीहरुको विनाशर्त रिहाइको माग गरेका छन् । अधिकार प्राप्तीको आन्दोलनमा शान्तिपुर्ण ढंगबाट आफ्नो विरोध गर्न पाउने मौलिक हकलाई राज्यले सम्मान गर्नुपर्ने ठहर गर्दै गिरफ्तार गरिएका चारै जनालाई तत्काल रिहाई गर्न जोडदार माग गरिएकोे पे्रस विज्ञप्तीमा जनाइएको छ ।
लोकसेवा आयोगको पाँचौ तहको परिक्षा केन्द्रमा नक्कली प्रवेश पत्र प्रयोग गरी परिक्षा हलभित्र छिरेर प्रश्नपत्र खोस्ने प्रयासका क्रममा उनीहरुलाई नियन्त्रणमा लिएको डिएसपी बामदेव गौतमले बताए । सुरक्षा समितिको वैठक बस्ने र बैठकको निर्णय अनुसार मात्रै बोल्न मिल्ने उनले बताए ।

                         पक्राउ परेकाको रिहाईको माग गर्दै प्रदर्शनमा सहभागीहरु । तस्विर चिसाङ शेर्पा

यो पनि पढ्नुहोस

पक्राउ परेका युवाहरुको तत्काल रिहाई गर्न माग

२०७६ साउन ४ गते साँझ ७ :२८ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

उदयपुरमा श्रीमानको कुटाइबाट श्रीमतीको मृत्यु

समायोजन खबर उदयपुर, उदयपुरको बेलका नगरपालिका–५ का तीर्थ आलेमगरको...

प्रभु साहले दिए प्रदेश २ अध्यक्षबाट राजिनामा

समायोजन खबर काठमाण्डौ, पार्टी अध्यक्ष पुष्पकमल दाहाललाई भेटेर साहले...

देशभर सामान्य बदली, केही भूभागमा पानी पर्ने सम्भावना

समायोजन खबर काठमाण्डौ, देशभरको मौसम आज सामान्यतया बदली रहने...

भोजपुरमा श्रीमानको हत्याराबाट पैसा असुल्ने महिला पक्राउ

समायोजन खबर भोजपुर, श्रीमानको हत्याको घटना लुकाउन हत्यारासँग पैसा...

बर्थिङ सेन्टरमा प्रसूति नगराए जन्मदर्ता नहुने

समायोजन खबर भोजपुर, बर्थिङ सेन्टरमा प्रसूति नगराबए बच्चाको जन्मदर्ता...

मुख्य समाचार

उदयपुरमा श्रीमानको कुटाइबाट श्रीमतीको मृत्यु

समायोजन खबर उदयपुर, उदयपुरको बेलका नगरपालिका–५ का तीर्थ आलेमगरको...

प्रधानमन्त्री ओली डेढ साता सिंगापुर बस्ने

समायोजन खबर काठमाडौं, प्रधानमन्त्री केपी शर्मा ओलीको सिंगापुर बसाई...

श्रीमती र १५ महिने छोरालाई जलाउन खोज्ने श्रीमान पक्राउ

समायोजन खबर धादिङ, २४ वर्षीया श्रीमती र १५ महिने...

अमेरिकाको अन्यायपूर्ण प्रतिबन्धप्रति हुवावेले जनायो आपत्ति

समायोजन खबर एजेन्सी, चीनको प्रविधि क्षेत्रको विशाल कम्पनी हुवावेलाई...

शिल्पाले गरिन् १० करोडको अफर अस्विकार

समायोजन खबर मुम्बई, भारतीय अभिनेत्री शिल्पा शेट्टीले एक विज्ञापनमा...