खोटाङमा बाढी र पहिरोको वितण्डा : दुई दिनदेखी विधुत र यातायात वन्द

चिसाङ शेर्पा खोटाङ,
बिहीवार रातीबाट परेको अविरल वर्षाका कारण दुई दिनदेखी खोटाङमा यातायात र विधुत सेवा ठप्प भएको छ । वर्षासँगै ठाउँठाउँमा झरेको ठूलाठूला पहिरोका कारण यातायात सेवा वन्द भएका छन् । भने, शुक्रबार विहान उदयपुरको त्रियुगा खोलाले खोटाङतर्फ आउने ३३ केभी प्रशारण लाईनको विजुलीको पोल बगाउदा विधुत पनि अवरुद्ध बनेको छ ।

 

दिक्तेल–हलेसी सडक अन्तरगत अर्खोले र महादेवस्थान सिमाना बर्खेटारदेखी बडहरेसम्मका रुटमा २५ स्थानमा ठूलाठूला पहिरो झरेको हलेसी तुवाचुङ नगरपालिका नगरप्रमुख इवन राईले जानकारी दिए । पहिरो पन्छाउनका लागि नगरपालिकाको जेसिभिसहित मानवीय शक्ति खटाइएको नगरप्रमुख राईले जनाएका छन् । यस्तै, कटारी–घुर्मी र हर्कपुर–जयराम सडकका विभिन्न ठाउँमा पनि पहिरो झरेको छ । ओखलढुंगाको मानेभञ्ज्याङ गाउँपालिका–६ मानेभञ्ज्याङको भँडारे खोलामा बाढीको लेदो आएर थुप्रिँदा सयौं सवारी साधन बीचैमा अलपत्र छन् । तराई तथा काठमाण्डौबाट खोटाङ आउने यात्रुहरु बिच बाटोमा अलपत्र परेका छन् ।

यस्तै, पानीको वहाव घटेपछि त्रियुगा खोलामा पौडी खेल्ने स्थानीयहरु खोजेर ढलेको पोलबाट तार खोलेर छोडिएको नेपाल विधुत प्राधिकरण दिक्तेल वितरण केन्द्रका प्रमुख राम दिनेश यादवले बताए । तार खोलेपछि त्रियुगा खोलाबाट नै कर्मचारी खटाइएर फल्ड स्थान खोजी भईरहेको छ । उनका अनुसार त्रियुगा–साउने–रसुवासम्म कर्मचारी खटाइएको छ । कर्मचारीसँग नै फोन सम्पर्क नभएकाले प्रगती विवरण लिनै समस्या भएको प्राधिकरणले जनाएको छ । वर्षाका कारण पहिरो जाँदा जिल्लाकै नुनथला, लेक्पा, छोरम्बु, सावाखोला, टेम्मा, चिप्रीङ, रसुवा लगायतका ठाउँमा ११ केभी प्रशारण लाईनको पोल पनि ढालेको छ ।
२०७६ असार २८ गते दिउसो २ : ४६ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

महिला व्रत बसेको दिन यौन सम्पर्क गर्न हुन्छ कि हुदैन ?

समायोजन खबर एजेन्सी, महिला व्रत बसेको दिन यौन सम्पर्क...

होलेसुङ-जनकराज मार्ग गोल्डकप : आयोजकको विजयी सुरुवात

समायोजन खबर खोटाङ, होलेसुङ–जनकराज राई मार्ग गोल्डकपमा आयोजक साकेला...

मुख्य समाचार

गिट्टी कुटेर तिहार मनाउनु छ

चिसाङ शेर्पा खोटाङ, तस्विरमा देखिएका बृद्ध रहरले गिट्टी कुटेजस्तो...

सुन सफा गर्ने भन्दै ठगी गर्ने भारतीय पक्राउ

समायोजन खबर खोटाङ, सुन सफा गर्ने भन्दै ठगी गर्ने...

खेलकुदमा राजनीतिकरण

समायोजन खबर खोटाङ, हलेसी तुवाचुङ नगरपालिकामा सोमबारबाट सुरु भएको...

कुकुर तिहार र लक्ष्मीपूजा एकै दिन

समायोजन खबर काठमाडौं, पाञ्चांग निर्णायक समितिले यस वर्षको तिहारमा...

आगलागीबाट कपडा पसलसहित एक घर जलेर नष्ट

समायोजन खबर सोलुखुम्बु, सोलुखुम्बुको नेचासल्यान गाउँपालिका– १ ख्याम्पुमा आगलागीबाट...